Mistúlkun á orðum Ólafs - vatn á myllu Hneykslunar-áróðurs-kórsins!

"„Þetta er nú sett í annað samhengi og gefin önnur merking en var í okkar samtali,“ segir Ólafur Ragnar Grímsson, forseti Íslands, spurður út í viðtal sem hann átti við blaðamann Financial Times Deutschland.Það sé ekki rétt að hann hafi alfarið hafnað því að þýskum sparifjáreigendum verði bætt tap. " segir í tengdri frétt.

Á nú að trúa túlkun blaðamanns "Financial Times Deutschland" á samtali fremur en orðum ÓRG ? Það sé ég þegar mjög víða í bloggi, enda er áróðri nú mjög beint að forsetanum allt frá stjórnarslitum - m a fullyrt af háttsettum í Flokknum Eina að ÓRG "standi að baki" myndunar  núverandi ríkisstjórnar!

Ég fullyrði að orð DO í hinu fræga "Kastljós"-viðtali sl. haust voru mis/of-túlkuð og tekin úr samhengi - þó margt sé annars hægt að álasa DO fyrir. Sama gildir hér!   Persónurnar DO og ÓRG eru  spurðar um margt, af mörgum. Fáist ekki svör má saka um dónaskap, sé svarað er það vanvirða og misnotkun á embætti. VANDLIFAÐ!   Í þokkabót er hvorugur maðurinn stjórnandi Íslands.

Finnið alvörumál að leysa. Nóg er af þeim!  Snakk um Forsetaembættið og ásakanir á hendur forseta nú er hjá flestum leið til að þyrla upp ryki í því skyni að leyna alvöru-afglöpum og tefja björgunarstörf sem  eru brýn.    Fyrst og fremst áróður fyrir komandi kosningar. Ja- svei!

Viðtalið tekið úr samhengi

Seðlabankastjórinn hógværi var ALLTAF að vara við - Ekki getur það verið ósatt.

"Hagfræðingarnir Gylfi Zoëga og Jón Daníelsson segja í skýrslu, sem þeir hafa skrifað um hrun íslenska hagkerfisins, að svo virðist sem íslensk yfirvöld hafi veðjað á að endurlífgun bankakerfisins myndi eiga sér stað, en tapað. "

Hljóðlátur og auðmjúkur Seðlabankastjórinn með skugga-stjórana tvo - var langalengi búinn að toga í pilsin á tveim forystumönnum ríkisstjórnarinnar og hvísla þessu að þeim. Þau muna ekki almennilega eftir því og hann þorði ekki að gera málið opinbert - reyndi meira að segja að bera sig borginmannlega út á við.      "Aumingja, blessuð manneskjan"!

Veðjuðu á endurlífgun hagkerfisins

Hér gefst færi á athugasemdum við skrif Einars K. Guðfinnssonar um hvernig ráðherrar eigi að að haga sér!

Sá hvimleiði vani stjórnmálamanna Flokksins Eina að "drita í riti" yfir menn og málefni hér á blogginu og leyfa ekki athugasemdir, veldur því að hér birtist nýr pistill eftir einn slíkan:

"

9.2.2009 | 10:05

Tilskipanaríkisstjórnin kynnir verklagið sitt

Einu sinni var stjórnmálaflokkur sem sagði að árangursríkast væri að stjórnmál byggðust á samræðum en ekki átökum. Þess vegna ætti að leita lausna á grundvelli pólitískra umræðna, en ekki tilskipana. Þessi flokkur hét Samfylking.

Svo var það annar flokkur sem lagði líka í umræðum, áherslu á mikilvægi þess að menn ættu þess kost að ræða málin, undirbúa þau vel og gefa sem flestum kost á aðkomu við undirbúning mála. Þessi flokkur hélt upp á tíu ára afmæli sitt nú um helgina og heitir Vinstrihreyfingin grænt framboð.

Nú vitum við að það var ekki orð að marka þetta. Þessir flokkar eru í ríkisstjórn - í minnihlutaríkisstjórn - og hafa ekkert gert með fyrirheit sín, en stjórna þess í stað í tilskipana og "vér-einir-ráðum" stíl.

Tökum tvö dæmi.

Þegar lögum um Seðlabanka hefur verið breytt, að minnsta kosti í veigamiklum atriðum, þá hefur jafnan verið leitast við að skapa um það góða sátt. Þannig var það síðast til dæmis og þau lög sem þá voru sett, byggðust á starfi þverpólitískrar nefndar. Það var tvímælalaust til góðs.

Nú er hins vegar öldin önnur. Nú er illa unnið frumvarp lagt fram, án nokkurs samráðs, enda er tilgangur þess fyrst og fremst pólitískt sjónarspil. Og það sem verra er. Forsætisráðherrann hefur í hótunum um að þetta þingmál eigi að afgreiðast hratt, svo að samráðið verði sem minnst á vettvangi þingsins.

Hitt er þó jafnvel ennþá verra að nú á sýnilega að hafa sömu háttu varðandi mögulegar breytingar á stjórnarskrá og kosningalögum. Slíkar breytingar hafa ævinlega haft góðan fyrirvara, þær hafa ævinlega verið undirbúnar af þverpólitískri nefnd, með tilstyrk sérfræðinga og  þær hafa ævinlega byggst á pólitískri niðurstöðu í bærilegri sátt.

En ekki núna.

Nú skal hafa sama háttinn á og er orðið aðalsmerki þessarar nýju tilskipana-ríkisstjórnar. Engin tilraun til þverpólitískrar sáttar, engin aðkoma stjórnmálaflokkanna. Undirbúningurinn á að fara fram í hópi þriggja sérfræðinga, algjörlega án aðkomu annarra en þeirra sem ríkisstjórninni stýra.

Þetta er ótrúleg óskammfeilni, en sem er þó að verða daglegt brauð  í minnihlutastjórninni.

Ákvörðun Steingríms í vikulok?

Valdhafar verða að kveða niður VERÐTRYGGINGINGAR-DRAUGINN og byrja strax!

Nú stendur yfir á Mbl.bloggi umræða um Verðtrygginguna sem er einn megin-vandi Íslendinga í yfirstandandi kreppu - og hefur verið til skaða sl 30 ár.
Undirrituð hefur lengi talið verðtryggingu lána, og það meira að segja með neysluvístölu, heimskulega, rangláta - raunar stórhættulega.  Þeir sem hæst messuðu til varnar verðtryggingunni og þrástagast nú á óráðsíu skuldsettra heimila hafa annað hvort gamlan, erfðan (eða nýfenginn!), aur í vösum og/eða fæddust fyrir 1952!          

Elsta kynslóð enn í starfi á Íslandi og eldra fólk, hlaut menntun sína ókeypis. Íslenskir stúdentar erlendis gátu jafnvel grætt á svartamarkaðsbraski með niðurgreiddan gjaldeyri á haftaárunum!  Þetta sama fólk fékk húsnæðislán niðurgreidd með sparifé annarra. Svo var einnig um ATHAFNAMENN er byggðu stórhýsi fyrir fyrirgreiðslu-lán á verðbólguárum Fyrir Verðtryggingu!         Árið 1979 Ætluðu góðir og velmeinandi menn að snúa þessu rangláta fjármálakerfi við með lögum um verðtryggingu  - en sú aðgerð HJÓ þar sem HLÍFA skyldi og hefur gert æ síðan, með stigmögnuðum, ógnvænlegum afleiðingum! 

Er ráðamönnum Íslands fyrirmunað að skilja þetta? Af hveru eru ekki þegin ráð Gunnars Tómasonar, hagfræðings sem varaði frá upphafi við Verðtyggingar-gildrunni - auk þess að vara við hruni fjármálakerfis heimsins í áratugi?

Þessi vandi er stærri en græðgi-væðingin og útrásar-svikamyllurnar samanlagðar en tengdur þeim!

Að Kæra faglega skoðun - Er þetta ekki - eitthvað - sona Ó-faglegt? Bara spyr.

Hvað eru menn að hugsa?

"Korter fyrir"-ákvörðun Einars, fyrrverandi ráðherra, skoðuð nánar af fagfólki!

 Er ÞAÐ nú lika orðið ágreiningsefni?

Hugsið heldur um HELJAR- vandann sem við stöndum frammi fyrir!

Fara í mál verði leyfi til hvalveiða afturkallað

Voru það 10 manns, eða fleiri, sem DO henti út úr forsætisráðuneytinu er settist þar, Kjartan?..

 ..Þar á meðal eldri starfsmönnum sem unnið höfðu með ráðherrum fleiri en eins flokks.

"Kjartan Gunnarsson, fyrrverandi framkvæmdastjóri Sjálfstæðisflokksins, gagnrýnir nýja ríkisstjórn harðlega í grein í Morgunblaðinu í dag, og segir hana virðast ætla, með sitt takmarkaða umboð, að stofna til pólitískra hreinsana og ofsókna gegn einstaklingum, ef þeir eru ekki í réttum flokki að hennar mati. " segir í tengdri Mbl-frétt.

Eru svona fullkomlega veruleikafirrtar fullyrðingar svaraverðar. Æ, ég veit ekki!

Leiðréttið mig ef rangt er með farið, að ALDREI fyrr (né kannski síðar?) hafi annar eins útmokstur átt sér stað úr ráðuneyti, eins og þegar Davíð Oddsson kom fyrst í forsætisráðuneytið. Hvort ræstitæknum var þá líka hent út, til vara, veit ég ekki. það væri í stíl við 'nojuna'!

Pólitískar hreinsanir og ofsóknir

Gott er ef tekst að bjarga St. Jósefsspítala í Hafnarfirði. Alvörutiltekt í rústum heilbrigðiskerfisins bíður nýrrar stjórnar

"Ögmundur Jónasson heilbrigðisráðherra mun funda með bæjaryfirvöldum í Hafnarfirði um framtíð St. Jósefsspítala. Þetta kom fram í óundirbúnum fyrirspurnartíma á alþingi í dag. Ögmundur mun jafnframt funda með hollvinasamtökum spítalans í dag. Það sé forgangsverkefni að eyða óvissunni sem fyrst." segir í tengdri frétt.

Athugasemd  nr 9 við eftirfarandi pistil hittir naglann á höfuðið:

http://disdis.blog.is/blog/dis/entry/793196/#comments

Vill eyða óvissunni um framtíð St. Jósefsspítala

STURLA! Atburðirnir við Alþingishúsið eiga alvarlegar ORSAKIR!

"Sturla Böðvarsson, forseti Alþingis, sagði í upphafi þingfundar á Alþingi að mikil umskipti hefðu orðið í íslenskum stjórnmálum að undanförnu. Sagðist hann hafa verið mjög hugsi yfir atburðum síðustu vikna við Alþingishúsið og sagðist vona að þeir boði ekki nýja siði í stjórnmálum" segir í tengdri frétt.

Vonandi sjáum við "nýja siði í stjórnmálum" - Sú var og er krafan!

Vonandi þarf ekki að mótmæla aftur slæmum störfum samtvinnaðs löggjafar- og framkvæmda-valds á Íslandi 

Vonandi sjáum við ekki aftur stigmögnun í lögreglu-ofbeldi og svörun við því.

Vonandi halda Íslendingar áfram að mynda skjaldborg um stjórnmálamenn sína og lögreglumenn er þörf krefur.

Vona að atburðir við þinghúsið boði ekki nýja siði

Má TREYSTA því að búið sé að koma ÖLLU undan?

 "Baugur Group hf. og nokkur dótturfélaga þess, þ.á m. BG Holding ehf., fóru í morgun fram á það við Héraðsdóm Reykjavíkur að félögunum yrði veitt heimild til greiðslustöðvunar.......Stærstur hluti eigna félagsins er í Bretlandi en engar eignir á Íslandi. Baugur hafi tilkynnt sumarið 2008 að starfsemin yrði færð frá Íslandi. ....." segir ásamt fleiru í tengdri frétt í Mbl

Þar höfum við það. Búið að koma öllu fé sem hægt var að "lána sjálfum sér" og fá annarstaðar úr landi.     Nú er farið fram greiðslustöðvun  í verndunarskyni við lánardrottna hérlendis, segir einnig í fréttinni! Þá er í fréttinni upptalning á "eigum" félagsins erlendis.

Undirrituð veit ekki um aðra, en verður óglatt!

Baugur í greiðslustöðvun

Heilbrigðiskerfið er ekki í gjörgæslu - það er í Rúst!

 "Ögmundur Jónasson, nýr heilbrigðisráðherra, hefur tekið ákvörðun um að afnema innritunargjöld á sjúkrahús en reglugerð þar um tók gildi um áramótin. Að sögn heilbrigðisráðherra verður ný reglugerð birt á næstu dögum." Segir í tengdri frétt.          Því miður gefst Ögmundi ekki að tími til að lagfæra margt í heilbrigðiskerfi.landsins fram að kosningum í apríl, enda mikli bráðabjörgunarstörf framundan á stuttum tíma.

Undirrituð telur brýnt að umræða hefjist um alvarlega hnignun íslensks heilbrigðiskerfis, og hvernig megi úr bæta. Sérlega er skortur á samhæfingu og ábyrgð sjúkrahúslækna á sjúklingum stórlega áfátt hér. Vísa má á reglur í Svíþjóð um ábyrgð sjúkrahúslækna á sjúklingum, einnig eftir útskrift - líka af bráðadeildum.  Önnur lönd, td hin Norðurlöndin hafa etv samskonar reglur, - undirrituð þekkir ekki til þar.

Grein um 6 ára þrautagöngu krabbameinssjúklings í þessu sambandslausa kerfi birtist í Mbl sl sunnudag. Hér er slóð í einn pistil og athugasemdir við þá grein: http://disdis.blog.is/blog/dis/entry/791643/   Pistlar eru fleiri - sérlega skrifar Dögg Pálsdóttir þar fróðlega sem lögfræðingur hrjáðra sjúklinga. Löngu er tímabært að bæta hér verulega úr. það er ekki einu sinni dýrt - sennilega sparar það fé.

Innlagnargjöld afnumin