TÁRAGAS-TRIKKIÐ mistókst! Og: Hver ákvað að koma af stað óeirðum í Alþingisgarðinum í byrjun friðsamrar kröfustöðu 20 janúar sl ?

Vef-Mbl. segir í dag: "Um tveir þriðju hlutar fólks eru hlynntir mótmælunum undanfarið, samkvæmt nýrri könnun Fréttablaðsins sem blaðið greinir frá í dag. Langflestir segjast ekki vera hlynntir árásum á lögreglu, ofbeldi eða skrílslátum. "

Fréttir og lýsingar frá mótmælaaðgerðum hafa verið mjög breytilegar.

Undirrituð vill benda á að plastvæddir lögreglumenn ruddust inn í Alþingisgarðinn með látum, meðal annars hrindingum og pústrum, um kl. 13:30 þriðjudaginn 20. janúar 2009 - hálftíma eftir að boðuð kröfustaða hófst - þó allt væri þar með friði og spekt.    Hafa þeir sennilega verið sendir af yfirboðurum og spurning er: hver var tilgangurinn?!   Ég veit þetta því mér var hrint til jarðar, aftanfrá, óvörum af einum garpanna.  Hrindinga og pústra-menn voru, vel að merkja, mikill minni hluti plastvædda hópsins.    Orðtæki segi eitthvað á þá leið að ekki þurfi nema  "einn gikk í hverri veiðistöð" Svo mun um lögreglulið og aðgerðahópa.                 Almennir lögreglumenn stóðu og studdu við húsið í rólegheitum áður en og meðan þetta gerðist.

Sem betur fer eru aðgerðafólk og lögreglumenn nú farin að sjá í gegn um þá herstjórnarlist að reita fólk til reiði og kenna svo "mótmæla-pakkinu" um afleiðingarnar.   Snérist þar TÁRAGAS-TRIKK efstu yfirmanna lögreglu glæsilega í höndum þeirra!

 

 

 

 

Meirihlutinn styður mótmælin

Samfylkingin "OPIN Í ALLA ENDA" eins og Framsókn forðum ?

"...Formaður Samfylkingarinnar, segist vilja kosningar í vor þar sem nauðsynlegt sé fyrir stjórnmálamenn að gera hreint fyrir sínum dyrum fyrir fólkið í landinu (leturbreyting mín)" segir í byrjun fréttar. Síðan veltir ISG upp ýmsum möguleikum, þar sem SF er þó alltaf tiltæk við "stýri skútunnar" ! Svo bráð-ómissandi. "Ekki þjóðin" í landinu er ekki jafnsannfærð um nauðsyn þess að ISG haldi sig í stýrishúsinu öllu lengur.

Má annars ekki færa líkingamálið í land senn hvað líður?  Brimskaflar, öldurót, bátar, skútur og fley eru svo sem góðra gjalda verð en öllu má ofbjóða í þessu sem öðru.

„Allt kemur til greina"

Kröfufundur á Austurvelli á morgun gefur Alþingi varla RÓS fyrir hröð vinnubrögð, en..

... betra er seint en aldrei.     Kröfufólk óskar rannsóknarnefndinni örugglega farsældar í starfi - og mun leggja sitt að mörkum til aðstoðar.

Það tók 3 - Þrjá - mánuði að koma af stað rannsókn. Má Treysta því að vildarvinir séu nú búnir að eyða öllum gögnum?

Ef til vill tók þrjá mánuði að finna  þrjá heiðvirða menn til að rannsaka.

Öryggi rannsóknargagna tryggt