Ætla SA ef til vill að kría út á þetta LAUNALÆKKUN hinna LÆGST launuðu?

"Gengi krónunnar skýrir hækkun vísitölunnar." Vilhjálmur Egilsson, framkvæmdastjóri Samtaka atvinnulífsins, segir að hækkun vísitölu neysluverðs nú megi nánast eingöngu rekja til gengis krónunnar ""

Mannvitsbrekkan segir heldur betur tíðindi! Ætlar hann ekki að kría út á þetta LAUNALÆKKUN hinna LÆGST launuðu? - ASí-formenn og jafnaðarmanna-stjórnin hljóta að skilja þörf þess fyrir atvinnulífshjólin margumræddu!

.

Lokaorð: "Auk þess legg ég til að verðtryggingar-ólögunum verði eytt!"

Ný og betri leið til lausnar á vanda ríkisins - (Björn Valdimarsson Mbl. 25. maí '09)

 
"Formenn stjórnarflokkanna munu ..eiga fund með fulltrúum Alþýðusambands Íslands og Samtaka atvinnulífsins um stöðugleikasáttmála..."  segir í tengdri frétt.

Jú, jú! Þau vilja vel!   En lesið hér grein fá almennum, íslenskum borgara sem ekki fer með fleipur dags daglega:

Grein í Mbl (bls 25) 25. maí '09: 

 Ný og betri leið til lausnar á vanda ríkisins.

NÚ VANTAR fé til að forða ríkinu frá niðurskurði og leysa vanda nýju bankanna og fjármagnseigenda. Ein leið sem ekki hefur verið talað um er að hækka vísitöluna handvirkt um 25%, þannig að ef vístölutryggðar skuldir heimila eru nú 1200 milljarðar króna þá hækka þær um 300 milljarða eða í 1500 milljarða. Hér væru þá komnar tekjur upp á 300 milljarða króna. Svo má hækka gengistryggð lán um 50% (það voru nú soddan fífl sem tóku þau að þau geta nú alveg borgað). Ef þessi lán standa nú í 800 milljörðum nást þar 400 milljarðar í tekjur. Samanlagt verða þetta tekjur upp á 700 milljarða króna sem nægja til að rétta af ríkishallann, leysa vanda nýju bankanna, hækka eignir lífeyrissjóðanna og hækka eignir fjármagnseigenda til að mæta tapi sem þeir hafa orðið fyrir vegna ónýtra peninga- og skuldabréfasjóða bankanna og tapaðra hlutabréfa.
Heimilin sem geta borgað eiga að sjálfsögðu að borga, þeir sem væla geta fengið greiðsluaðlögun. Jafnt skal yfir alla ganga og því er lagt til að miða við að allir verði búnir að greiða skuldir sínar þegar þeir hafa náð 200 ára aldri.
Ef einhverjir eru enn í vandræðum er boðin greiðsluaðlögun. Allir einfættir, tvíhöfða menn sem hafa verið atvinnulausir í 4 mánuði og hafa allar skuldir í skilum geta mætt á skrifstofu ráðdeildarsýslu ríkisins. Skrifstofan er til húsa á Lækjargötu 2, Hvammstanga, opið verður annan hvorn mánudag frá 9-10 fram til 30. maí en frá þeim tíma verður lokað vegna sumarleyfa til 30. september.
Með þessu móti geta Jóhanna, verndardýrlingur fjármagnseigenda og Steingrímur, talsmaður erlendra kröfuhafa, fullkomnað skjaldborgina um fjárhag sinna skjólstæðinga.
Mér finnst ég þurfa að taka það fram að framangreint er meint sem kaldhæðni og öfugmæli. Það er full ástæða til að geta þess sérstaklega því ráðamenn þjóðarinnar og stór hluti hennar virðist almennt vera skilningssljór. Það virðist mörgum erfitt að skilja að þær álögur sem lagðar hafa verið á skuldir landsmanna vegna stórkostlegrar vanhæfni bankamanna og athafna mafíósanna (stundum kallaðir auðjöfrar) í skjóli ríkisvaldsins síðustu ár eru ekki ásættanlegar og þær verður að leiðrétta.
Ef það verður ekki gert verður ekki nóg að mæta með búsáhöld á Austurvöll.

BJÖRN VALDIMARSSON,
hönnuður.

Fundað um stöðugleikasáttmála

Þjófurinn þrífst, en þjófsnauturinn ekki!

Í tengdri frétt er látið sem núverandi kvóta-"eigendur" hafi keypt löglega eign! Svo er ekki! Fyrstu sægreifarnir og afkomendur þeirra seldu "auðtrúa" fólki það sem þeir áttu ekki. Ekki flóknara en það, Lög í flestum, ef ekki öllum, löndum taka sérlega fram að keypt þýfi  sé enn eign þess er stolið var frá. Sem sagt: kaupir þú þýfi verður þú að skila því bótalaust til eiganda!

Ágúst Valdimarsson má þakka fyrir að almenn hegningarlög eru ekki látin gilda um kvótasölu.

.

Lokaorð: "Auk þess legg ég til að verðtryggingar-ólögunum verði eytt!"

 

„Eigandinn heldur áfram að borga“

Lögreglukórinn og stolnu hjólin

Frétt af mbl.is:
"Lögreglan þarf að geyma alla óskilamuni í eitt ár og einn dag samkvæmt konungslögum frá árinu 1767. Þegar óskilamunir eru seldir á uppboði rennur andvirðið til félagsstarfs lögreglunnar, til að mynda Lögreglukórsins."

Hvað hindrar tryggingafélögin í að koma á skráningu allra hjóla keyptra á Íslandi? Lögreglukórinn græðir sýnilega ekki mikið á týndu hjólunum, miðað við það sem tryggingafélög borga og ótryggðir tapa.

.

 Lokaorð: "Auk þess legg ég til að verðtryggingar-ólögunum verði eytt!"

Lögreglukórinn og stolnu hjólin

ASÍ gaf tóninn er gaf eftir samningsbundna hækkun 1. mars. Villi Egils telur sig enn með tögl og hagldir!

"„Ég þarf að jafna mig eftir þetta klaufaspark,“ segir Kristján Gunnarsson, formaður Starfsgreinasambandsins um tillögur Samtaka atvinnulífsins ..Samtökin vilja að lægstu laun hækki um 7.000 krónur 1. júlí en aðrar launahækkanir bíði hausts." segir í tengdri frétt!

ASÍ gaf tóninn, er gaf eftir samningsbundna hækkun 1. mars. Villi telur sig augsýnilega enn vera með tögl og hagldir - og ætlar að nýta út í æsar!

.

 Lokaorð: "Auk þess legg ég til að verðtryggingar-ólögunum verði eytt!"

Þiggja ekki 7 þúsund sí-svona

Fyrir hverja - aðra en forstjórana og gæðinga - eru lífeyrirssjóðirnir ?

  Undrast dráttarvexti á eigin lífeyri
Innlent | mbl | 20.5.2009 | 10:34
Karlmaður sem missti skuld vegna vangoldinna lífeyrissjóðsiðgjalda í lögfræðiinnheimtu undrast að þurfa að greiða öll gjöldin sem leggjast á skuldina vegna eigin lífeyris á efri árum. ------       Framkvæmdastjóri Söfnunarsjóðs lífeyrisréttinda: "Við göngum eins langt og okkur ber að gera. Það getur ýmislegt fylgt því.“ .. 

..segir í tengdri frétt - og verður ekki betur séð í en til greina komi að bjóða upp eigur fólks vegna vanskila á þess eigin lífeyri!

Fyrir hverja - aðra en forstjórana, stjórnirnar og innheimtulögfræðinga - eru lífeyrissjóðirnir í núverandi mynd?

.

Lokaorð: "Auk þess legg ég til að verðtryggingar-ólögunum verði eytt!" 

 

Undrast dráttarvexti á eigin lífeyri

Veður er gott - en hvernig eru stjórnmálahorfurnar?

Leyfi mér að birta pistil Jakobínu (kreppan.blog.is) frá í fyrradag heilan, tengdan veðurlýsingu. Þetta er ÞÖRF hugleiðing og kannski rekst einhver sóldýrkandinn á hana hér ! 

Beint frá Jakobínu I. Ólafsdóttur (kreppan.blog.is):

"Hvað hræddi félagshyggjufólkið inn í skúmaskot þöggunar og aðgerðarleysis?

...Það er verið að hrekja fólk úr híbýlum sínum

Það er verið að rústa atvinnulífinu eftir uppskrift AGS

Það er verið að rústa velferðinni eftir uppskrift AGS

Kvótafurstum voru gefnir 3.2 milljarðar í meðgjöf með mogganum

Skilanefndirnar eru enn þær sömu og spillingarmálin leka út

Hverjir eiga jöklabréfin?

Málaliðar auðvaldsins eru í fullu starfi í valdastöðum sínum.

Það er verið að fórna velmegun þjóðar til þess að bjarga fjármálakerfinu.

Valdhafarnir hafa samþykkt að gera íslenskt samfélag að tilraunastöð AGS

Tilraunadýrin eru fjölskyldurnar í landinu!

Líður fólki betur með nýja böðla?"

.

 Lokaorð: "Auk þess legg ég til að verðtryggingar-ólögunum verði eytt!" 

Áfram gott veður

Sykurneysla Íslendinga hefur lengi verið FÁRÁNLEG!

 " Jón Steindór Valdimarsson, framkvæmdastjóri Samtaka iðnaðarins, segir tillögu heilbrigðisráðherra um að skattleggja sykraða drykki ótrúlega."  segir í frétt.

Þetta er 'ótrúlega' þarfur skattur og hefði betur verið lagður fyrr á!

Sykurneysla Íslendinga hefur lengi verið FÁRÁNLEGA mikil. "Iðnaðurinn" fyllir allar vörur af sykri - og kvartar nú yfir að sykur hækki. Getur bara minnkað sykuraustur í neysluvöru og þar með gert hana talsvert hollari.

 .

Lokaorð: "Auk þess legg ég til að verðtryggingar-ólögunum verði eytt"

Tillaga um sykurskatt ótrúleg

"Auk þess legg ég til að verðtryggingar-ólögunum verði eytt"

Hrunið eins og Eyjagosið
 
Steingrímur J. Sigfússon, fjármálaráðherra, líkir fjármálahruninu við Vestmannaeyjagosið veturinn 1972-1973!

Vissulega man ég hvernig vaknaði snemma morguns 23. janúar 1973 við útvarpið sem tilkynnti móttöku Vestamannaeyinga í Þorlákshöfn!

Það breytir ekki því, að nú virðist eiga að láta Almenna Lántakendur liggja áfram undir öskunni - en grafa Bankana upp! Við erum allmargir kjósendur núverandi stjórnar sem líkar það illa, Steingrímur!

Þetta segi ég sem skuldlaus lífeyrisþegi - og því síður en svo vegna beinna eigin hagsmuna.

Hrunið eins og Eyjagosið

Áætlun: bankar færu í þrot!

Áætlun - bankar færu í þrot!
 " Davíð Oddsson .... bankagjaldþrot ...." og fleira stendur í tengdri frétt.

Já einmitt!

Seðlabanka-sveinkar stýrðu beint í þrot - Við héldum að það hefði verið ÓVART! - En hver veit?

Klúður-MEISTARAR eru þetta!

Áætlun ef bankar færu í þrot