65% örorka er TR-"trikk" - sem sparar lífeyrisgreiðslur!

" Héraðsdómur Reykjavíkur hefur sýknað íslenska ríkið af kröfu íslensks friðargæsluliða" segir í fréttinni. 

Gott og vel - Hafi maðurinn ráðið sig ótilneyddur í friðargæslulið, mátti hann búast við svona atviki og á því kannski ekki sérstakan skaðabótarétt á ríkið, umfram aðra sem lenda í alvarlegum áföllum. Í þessu starfi  hefði hann þó vissulega átt að vera sérlega tryggður fyrir einmitt svona skaða af atvinnurekandanum - íslenska ríkinu!

Hitt er annað mál, að 65% örorkumat er ömurlegt bragð hjá Tryggingastofnun ríkisins!  Kynnið ykkur muninn á 75% og 65% örorku. Hann er algjör!     Við 75% örorku er fullur lífeyrir greiddur, með tekjutryggingu og öðru tilheyrandi. Persónan er örorku-lífeyrisþegi. Sá sem metin er 65% örorka, fær hins vegar örorku-"styrk", sem var sáralág upphæð síðast er ég vissi.  Og þetta meta menn ( læknar) sem eru á launum hjá tryggingafélaginu - TR - sem maðurinn er tryggður hjá!  - Stöðugt virðist þurfa að minna á að TR er opinbert tryggingafélag, ekki ölmusu- né góðgerða-stofnun!

Rannsaka þarf tryggingabrall hjá öllum tryggingafélögum landsins - þar með talið Tryggingastofnun ríkisins! 

.

Lokaorð: "Auk þess legg ég til að verðtryggingar-ólögunum verði eytt"

Engin ábyrgð vegna Kjúklingastrætis

Athugasemdir

[Hólmdís Hjartardóttir, 11.5.2009 kl. 21:53]

Ég verð að viðurkenna að ég vissi ekki að munaði svona miklu.

[Hannes, 11.5.2009 kl. 22:24]

Gott mál enda sparar það ríkinu fé að borga honum ekki neitt sem er gott mál.

[Óskar Arnórsson, 11.5.2009 kl. 22:24]

'Eg er svo slappur eftir slöngubit að ég get varla skrifað. Annars veit ég heilmikið um TR.

Ég ætlaði að verða tryggingasölumaður einu sinni og fór á námskeið. Þvílík glæpamennska sem var verið að kenna þar!

Ég hefði getað kennt þeim, því ég er búin að vinna með gangstera í fangelsum það lengi,að ég kunni allt sem þeir voru með og meira til! Allt "löglegt"!

Ég yrði fínn glæpamaður.

Jú Hólmdís, það munar svona miklu. Það er allt í rugli í TR. Reglurnar eru orðnar svo flóknar að starfsfólkið hjá TR skilja þær ekki. Eina manneskjan sem ég hef séð var fyrrverandi starfsmaður frá TR sem haf séð Lilta-Hrauni fyrir dópi í fleyri ár.

Hún var í gæsluvarhaldi. Ég var að vinna þarna. Margt af starfsfólkinu líður niður á lýfeyrisþega. Það er staðreynd!

Og tryggingarfélög á Íslandi! Allt löglegir mafíósar.  

[nú (IP-tala skráð) 11.5.2009 kl. 23:16]

Aldrei fundist það eðlilegt að TR sé með lækni á launum við að meta fyrir sig hvort einhver fær örorku eður ei. Það er eins og að láta glæpamann dæma í eigin máli.  Svo var þessi sami læknir að dæma fyrir lífeyrissjóð og mat ekki fólk eins á báðum stöðum. Einn var kannski 75% hjá TR en ekki nema 50% hjá viðkomandi Lífeyrissjóði.

[Hlédís, 11.5.2009 kl. 23:37]

Kæri Óskar!

'Ég er hrædd um að þessar slöngur þínar fari að gera útaf við þig.

[(IP-tala skráð) 11.5.2009 kl. 23:39]

Erfitt að meta svona þegar maður veit ekki hvað hrjáir manninn. Er hann óvinnufær með öllu eða oftast ?? Er hans fötlun þess eðlis að hann ætti alltaf að geta stundað einhverja vinnu.?? Ég verð að viðurkenna að ég þekki bara ekki út frá hverju TR vinnur. Veit bara að lögblinda telst 75 % örorka, því það þekki ég vel.

Verð sennilega að fara kynna mér þetta betur.

[Hlédís, 11.5.2009 kl. 23:45]

Gott segir Hannes - auðvitað ;)

Rétt ætti nú kannski að vera rétt. Tryggingastofnun er ríkis-tryggingafélag, ekki ölmusu-úthlutunarstöð. Held að margir átti sig ekki á því.

Munur á því að teljast 75% og 65% öryrki getur varla verið 5-6-faldur. Sú stærðfræði stenst illa.

[Hlédís, 11.5.2009 kl. 23:52]

Hólmdís!

Það er málið. Fólk veit lítið sem ekkert um þennan mun, Hér áður var konum miklu oftar metin 65% örorka en körlum jafn-óvinnufærum. Þær höfðu oftast, ekki þó alltaf, fyrirvinnu og vissu ekki um mismununina. Auk þess voru greiðslur svo algerlega tengdar tekjum maka. að oft var lítið greitt út hvort eð var.

[Hlédís, 11.5.2009 kl. 23:55]

Sigurlaug G I!

Það er rétt að blinda hefur verið sanngjarnt metin lengi. Kynntu þér munin á lífeyrisörorku(75%) og örorkustyrk(65%)

[Jakobína Ingunn Ólafsdóttir, 12.5.2009 kl. 01:16]

Já Hlédís þetta er skítlegt bragð hjá TR

[Ásthildur Cesil Þórðardóttir, 12.5.2009 kl. 08:46]

Já þær eru víða ormagryfjurnar og þær sem tilheyra ríkinu eru ekkert betri en hinar.  Leitt að lesa sögu þessa manns, og  ljótt að sjá einhvern hælast um vegna þess.  HVersu kaldlynd getum við orðið og hvað varð um náungakærleikann?

[Hlédís, 12.5.2009 kl. 11:39]

Sælar Jakobína og Ásthildur!

Skrýtnast finnst mér að bæði yfirvöld og almenningur virðast farin að líta á TR sem "hjálpar"-stofnun. Svo er EKKI! Þeir sem þangað sækja bætur eiga rétt á þeim á sama hátt og væru tryggðir hjá einkafyrirtæki.

[Hannes, 12.5.2009 kl. 19:37]

Hlédís. Þetta er ölmusustofnun enda er fólk þvingað til að borga þangað og gefa fólki peninga í gegnum hana hvort sem það vill það eða ekki. Margir sem fá greitt frá TR hafa aldrei greitt neitt þangað og þess vegna er þetta ölmusu stofnun.

Ég bið fyrirfram afsökunar á næstu setningum enda munu þær reita marga til reiði.

Í mörgum menningarheimum þá var fólki sem gat ekki séð fyrir sér sökum fötlunar eða elli hent fyrir björg eða drepið svo að það væri ekki byrði á samfélaginu eða fjölskyldunni en við virðumst vilja halda fólki uppi árum saman með skattpeningum þó að það geri ekkert allt sitt líf annað en að þiggja þjónustu á kostnað annarra og leggi ekkert til samfélagsins. það er spurning hvort þetta er framför eða afturför að koma svona stofnun eins og TR á laggirnar en það verður hver að gera upp við sig.

[Hannes, 12.5.2009 kl. 19:46]

Eitt Indíana samfélag henti alltaf konum fyrir björg þegar þær voru orðnar of gamlar til að eiga börn.

[Hlédís, 12.5.2009 kl. 20:25]

Hannes! 

Síðasta frásögnin um indíánana er ósönn.  Vinnandi fólk, meðal annars gamlar konur (fólk taldist gamalt 30+ ára! ) sem sáu um matreiðslu og barnagæslu voru of dýrmætur hluti hópsins til að slá af! Hugleiddu þetta og sýndu líka heimildir fyrir frásögnum af þessu tagi.

[nicejerk (IP-tala skráð) 12.5.2009 kl. 21:09]

Ófyrirséð árás!  Hmmmmm. 

Svona á að kenna í stríðsskólum, ófyrirséðar árásir!

Etv. bara ungur blaðamaður að skrifa.

Hvað með fyrirséða árás og fyrirséð efnahagshrun? Fyrirséð- hitt og þetta.

Ég veit svei mér ekki.

Eru engin takmörk fyrir vitleysu? Ef maðurinn er orðinn sjúklingur út af þessu öllu, þá þarf að veita honum þá þjónustu sem hann er tryggður fyrir. Hvorki meira né minna. Hver ber ábyrgð á því að maðurinn komst í stöðuna þarna úti? Það er hugsanlega pólitísk ábyrgð.

Mér sýnist að auli hafi verið sendur út í hafsauga og allir prísað sig sæla að vera lausir við persónu sem allt í einu er orðinn draugur. Svo þegar búið er að skjóta dýrið (manngreyið) í tætlur, þá er Tryggingarstofnun allt í einu orðið fórnarlambið.

Það er sama vitleysan á Klakanum aftur og aftur, sama Langavitleysan. Ef maðurinn er asni, þá hefði honum verið ´bannað´að fara út á lífið í villta austrinu, hvað þá að fara í teppakaup (alger álfur).

Teppakaup tilheyra væntanlega ekki embættinu, en það er spurning um hvað tryggingarnar eigi að dekka. Mannleg veilan og græðgin virðist skína í gegn hjá viðkomandi. Kannski að yfirmaður hans hafi einnig verið fífl, sem er ekki gott að læra af!

Hvad ved jeg.

[Hlédís, 13.5.2009 kl. 21:26]

Jerk-arnir hér næst að ofan virðast halda að TR sé ölmusustofnun en ekki Tryggingastofnun. Ætli breyttist ekki í þeim tónninn ef þeir væru sjálfir að sækja sinn TRYGGÐA rétt  

[nicejerk (IP-tala skráð) 13.5.2009 kl. 22:24]

Kannski að þú hafir misskilið innleggið. Hver og einn þarf að vita sína stöðu. Enginn er tryggður nema viðkomandi sæki um það og greiði fyrir það.

Einhvern veginn datt brjóskið úr tveimur hryggjarliðum hjá mér fyrir mörgumn árum. Ég skildi engan veginn hvað var í gangi því aldrei var ég veikur og veikindaferli var ekkert í mínum kortum.

Þegar ég komst að  sannleikanum, þá var allt fyrnt og gleymt. Þú hefur verið svikin ef einhver hefur fagurgalað að þér að þér að þú værir tryggð. TM greiðir sjúkrahúskostnað sem er frábært, en þú þarft að greiða restina.

Ég aðlagaðist og henti okinu, en það eru ekki allir sem eru svo heppnir.

[Hlédís, 13.5.2009 kl. 22:58]

Þakka þér hugulsemina, nicej.!

Ég þekki nokkuð vel til TR og veit skyldur stofnunarinnar  - Það er ekki alltaf auðvelt fyrir veikt fólk að sækja tryggingarétt sinn og ekki veit það alltaf hver hann er. 

Pistillinn hér að ofan fjallaði að vísu um örorkumat, ekki afstaðin veikindi.