Sjálftökulið rænir eigum þjóðar. Hvar eru keðjusagirnar, kylfurnar og eitrið? Verjið eignaréttinn núna!

 Sjálfstæðismönnum tókst að stöðva afgreiðslu frumvarps um stjórnskipunarlög, er inntak tengdrar fréttar.

 "Sjálfstæðis"-Flokkurinn gengur erinda þeirra sem gefinn var fiskveiðikvótinn - auðlind þjóðarinnar - með fullkomlega ósiðlegum hætti. Við getum rétt svona gert okkur í hugarlund hvaða "Styrki" hann hefur þegið fyrir greiðann.  Svei spilltu eiginhagsmunaliði!

Hvar er nú herinn með keðjusagirnar, kylfurnar og eitrið? Sjálftökulið hefur rænt eigum heillar þjóðar. Verjið eignar-réttinn núna! 

 

Stjórnarskrá ekki breytt

Athugasemdir

[H G, 17.4.2009 kl. 09:57]

Þetta var ekki klókt til atkvæðaveiða. Kvótaeigendur hljóta að hafa ansi sterkt tangarhald á Flokknum!

[Grétar (IP-tala skráð) 17.4.2009 kl. 10:25]

Kvótinn er í eigu þjóðarinnar.  Útgerðarmenn hafa greitt fé fyrir að fá að nýta kvótann.  Ég skil ekki afhverju það á að hirða það af mönnunum.  Það væri þá eðlilegra að ríkið hirti af þeim skuldirnar líka.

[Hlédís, 17.4.2009 kl. 10:35]

Grétar!

Það er málið!  Þjóðinn á fiskveiðiréttinn!  Útgerðamenn hafa þvingast ínn í kvóta-leigu og - kaup af þeim sem upphaflega var gefinn kvóti.  Þetta þarf að leiðrétta hægt og sígandi á svona 10 - 15 árum. 

[Þorsteinn Úlfar Björnsson (IP-tala skráð) 17.4.2009 kl. 11:54]

Við skulum vona að gullfiskaminnið sé ekki svo slæmt að kjósendur verði búnir að gleyma þessu á kosningadag. Spurning hvort VG og Samfó kippi Framsókn með í rískisstjórn eftir kosningar. Líka spurning hvað þessi 40% sem eru óákveðin gera. Skila þau auðu eða sitja þau heima á kjördag?

Ég held að allt sé skárra en að sitja heima eða skila auðu. Það er að minstta kosti alltaf möguleiki á að kjósa Borgarahreyfinguna. Gæti komið í veg fyrir að Framsókn hoppaði í ríkisstjórnarrútuna eftir kosningar.

[Róbert Tómasson, 17.4.2009 kl. 11:57]

Útgerðarmenn sem upphaflega fengu kvóta greiddu ekki krónu fyrir hann en gátu aftur á móti veðsett hann og leigt eða selt.  Ég er að hugsa um að fara yfir til nágranna míns og fá lánaða hjá honum slátturvél þegar sá tími kemur og ..............................selja hana þegar ég er búinn að nota hana.

[Hlédís, 17.4.2009 kl. 12:31]

Þorsteinn!

 O-listinn - óflokkspólitískur með kjörorðið: "Þjóðin sjálf á þing!" er góður kostur fyrir þá sem hneykslast á hegðun Flokksins síns í stjórnlagaþings- kvóta- og "styrkja!-málum - en geta ómögulega kosið aðra flokka!

[Hlédís, 17.4.2009 kl. 12:33]

Róbert!

Við getum fundið margar gróðaleiðir ef notum FLokks-aðferðir

[Grétar (IP-tala skráð) 17.4.2009 kl. 13:14]

Eru þessir útgerðarmenn ekki bara bestir í að reka sjávarútveginn?  Það eru takmörk á kvótaeign (20% pr. tegund) og er það ekki bara nóg?  Það mætti hugsanlega lækka þessi mörk?  Þetta er mjög fjármagsfrek atvinnugrein og því þarf að tryggja mönnum nægjanlegar tekjur til að veiðarnar verði hagkvæmar fyrir okkur öll.  Þær voru það ekki 1980 við skulum ekki gleyma því.  Mér finnst aftur á móti fyrningarleið/endurúthlutun eitthvað sem er ávísun á meira sukk og svínarí.  Össur og Álfheiður eru ekki beinlínis á hvítum kirtlum frekar en hinir.

[Hlédís, 17.4.2009 kl. 16:46]

ALLIR eru á hvítum kirtlum miðað við þá sem rænt hafa hér og ruplað með ólögum - eða verið borgað fyrir að koma ólögum á!

[magus (IP-tala skráð) 17.4.2009 kl. 17:12]

Hlédís, hef sent þér tölvupóst varðandi annað mál......

[Hlédís, 17.4.2009 kl. 17:17]

Sæll magus!

Hef samband á eftir - Viltu ráðgast við lögfræðinginn um það?

[já einmitt hún kom nefninlega í gaer (IP-tala skráð) 17.4.2009 kl. 17:46]

Mér líst ekkert á VG.  Steingrímur aetlar ad fara mjög haegt í ad breyta kvótakerfinu.  THAD ER ALGJÖRLEGA ÓVIDUNANDI STEFNA.

Thessi útgerdarfyrirtaeki sem eru í vandraedum núna EIGA AD FARA Á HAUSINN.  Thad á ad hrifsa kvótann af bröskurunum STRAX! 

Er Steingrímur jafn spilltur og götustrákarnir í spillingarflokknum?  ER STEINGRÍMUR ALGJÖRLEGA Í VASANUM Á SÉRHAGSMUNAKLÍKUNNI?

Ekki er annad til ráda en ad safna atkvaedum fyrir SAMFYLKINGUNA.  Jóhanna Sigurdardóttir er hardákvedin í ad hrifsa tilbaka 100% réttmaeta eign thjódarinnar.  Samfylkingin og Frjálslyndiflokkurinn eiga ad fá góda kosningu.

http://www.mbl.is/mm/frettir/innlent/2009/04/17/kvotakerfi_ekki_breytt/

[Hlédís, 17.4.2009 kl. 18:32]

Kær "Já einmitt..."!

..svona hugsar maður fyrst og skilur ekkert í þessu hangsi. Nú hef ég alveg skilið hvað- veldur því að þarf að hala kvótann HÆGT inn til réttmæts eiganda, þjóðarinnar. Ræningjarnir sem Fyrir-greiðslu-Flokkarnir gáfu kvótann eru nefnilega búnir að selja hann öðrum, sem ekkert gerðu af sér, annað en að borga stórfé fyrir að fá að veiða og vinna fisk!  Greiðslur þessar gátu svo greifarnir, ekkjur/ekklar þeirra og aðrir erfingjar, flutt í skattaskjól á margumtöluðum aflandseyjum eða braskað með á annan hátt, til dæmis keypt Moggann fyrir Flokksmenn!

Rifum við (þjóðin) allar fiskveiðiheimildir í einu lagi af þessum útgerðum sem ekki eru allar risafyrirtæki, væri þeim refsað 2X fyrir að hafa ekki verið gefinn kvóti í upphafi. Enginn græðir á því og það fullnægir ekki réttlæti.  -  Því hef ég fyrir mitt leyti sætt mig við að þessi mikla auðlind okkar verði endurheimt í áföngum. Strand-veiðileyfi án hafta á auðvitað að koma á hér þegar á þessu ári - einnig BANNI við veiðum stórtækra "vinnuvéla" á grunnsævi

[Hannes, 17.4.2009 kl. 20:11]

Fyrst útgerðarfyrirtæki geta leigt kvóta þá á ríkið að geta gert það líka og notað peninginn þá í eitthvað gagnlegt fyrir allmening. Fyrirtæki sem nota auðlindir þjóðarinnar eiga að borga auðlindagjald fyrir afnotinn og ekki að fá þær á silfurfati eins og var gert.

[Hlédís, 17.4.2009 kl. 20:28]

Sammála, Hannes!

Þeir sem fengu kvóta í upphafi og hafa hann en, án þess að brúka hann, heldur leigja út - eiga að missa hann. Þeir sem keyptu þessa umræddu "eign" af greifum verða að fá aðlögunartíma. Þetta er að vísu orðið ramm-flókið - rétt eins og annað "eignarhald" undir spilltu Flokks/Flokka-valdi.

[Sigurbjörn Sveinsson, 17.4.2009 kl. 21:30]

Við kaupum fiskinn í fiskbúðinni. Fiskkaupmaðurinn kaupir fiskinn á markaðnum. Fiskvinnslan kaupir fiskinn á markaðnum eða gerir út. Hvers vegna getur veiðimaðurinn ekki keypt fiskinn í sjónum - af okkur?  Hvar er jafnræðisregla stjórnarskrárinnar? Samhengið væri etv. skýrara ef eignarhald okkar væri afdráttarlaust í hinni sömu stjórnarskrá?

Sjálfstæðisflokkurinn þráir píslarvættisdauða í dymbilviku hinni minni. 

[Hlédís, 17.4.2009 kl. 21:45]

Sæll og blessaður Sigurbjörn!

Mér finnst þú setja þetta svo skýrt fram, að hvert mannsbarn ætti að geta skilið. Dymbilvika hin minni er þó ný fyrir mér.

[Sigurbjörn Sveinsson, 17.4.2009 kl. 22:00]

Klukkan glymur sagði Hemingway. Var það yfirskrift mikilla atburða. Sú klukka mun glymja í næstu viku en með dempuðum róm. Eins og í dymbilviku. Kólfur klæddur mjúku stykki.  Nema sú vika jarðneskra örlaga verður að teljast síðri viku hinnar himnesku, sem liðin er.

Með fullri virðingu fyrir pólitíkusum vorra tíma. 

[Hlédís, 17.4.2009 kl. 22:10]

Sigurbjörn!

Ég skrifa ekki í bloggi það hrós sem þú átt skilið fyrir textann hér að ofan. þú færir hjá þér!

[Sigurbjörn Sveinsson, 17.4.2009 kl. 22:41]

Hrós er mikilvægt - jafnvel ósagt. Tjáning er mikilvægari - jafnvel ósögð. Komdu á facebook, sagði Nimbus bloggvinur minn, þar er fjörið. Ég veit að það á ekki við hann, ekki til lengdar þrátt fyrir allan húmorinn. Þar eru menn berrassaðir, eins og Jón M. A. Ásgeirsson komst svo smekklega að orði um frelsarann í útvarpserindi í dymbilviku. 

Hrós nærir, hvað sem öðru líður.  

[Baldvin Jónsson, 18.4.2009 kl. 02:37]

http://baldvinj.blog.is/blog/baldvinj/entry/856489/

[Óskar Arnórsson, 18.4.2009 kl. 07:36]

Það á ekki að gefa neinn aðlögunartíma á að slátra þessu kvótakerfi. Það á bara að gera í einum grænum. Sama um verðtrygginggu. Engin aðlögunurtími, bara banna hana með lögum í einum grænum.

Hvalveiðikvóta á að selja til Jaðans og Rússlands, í einum grænum.

Kosningar munu sýna hversu háa greindarvísitölu Íslendingar eru með yfirleitt. Það er langt síðan að búið er að ákveða að stærstu bankaræningjarnir á Íslandi verða aldreu dregnir til neinnar ábyrgðar.

Einhverjir smáfiskar verða sektaðir eða dæmdir til að friða "skrílinn" eins og einn þingmaður sagði blindfullur á auðjöfrabar á Íslandi svo ég heyrði.

Það þarf andspyrnuhreyfingu á Íslandi ef þessu verður ekki komið í lag á stundinni! Kannski íslenskan her sem tekar yfir þetta land eins og það leggur sig og leggja niður Alþingi.

Lýðræði er hvort eð er horfið á Íslandi án þess að fólk hafi tekið eftir því. Fólk heldur bara að það sé lýðræði sem er allt annað.

Þessi Jóhanna er búin að útskýra sig sem algjört fífl í stjórnmálum. Steimgrímur líka. Það má alveg henda táragasi inn á suma fundi á Alþingi. Svo mikil þvæla fer fram þar.

Talandi endalaust og segja ekki neitt.

[Sigurður Þórðarson, 18.4.2009 kl. 11:20]

Það gustar skemmtilega af Hlédísi, sem er róttæk í hugsun og byltingarsinnuð að vanda.

Fiskihagfræðin hefur liðið fyrir meinloku Hannesar Hólmsteins og annarra "frjálshyggjumanna". Það hefur skort á að réttlætissjónarmið hafi fengið að njóta sín eins og Sigurbjörn minnist á en umræðan hefur samt ekki síður liðið fyrir skort á að líffræðileg sjónarmið komist að, við erum jú að tala um endurnýjanlega náttúru-auðlind. Ég þykist vita að útgerðamenn viti betur en þeir sjá sér hag í því að umræðan sé afvegaleidd þannig að um sé að ræða fasta stærð sem hægt sé að skipta niður eins og maður sneiðir niður köku. Þetta gera þeir í trausti þess að þeir fái sjálfir stærstu sneiðina. 

p.s. Ég skil ekki hvernig slóð Baldvins Jónssonar snertir þetta mál? Myndir þú vilja vera svo vænn að skýra það Baldvin.

[Hlédís, 18.4.2009 kl. 23:10]

Sæl, Sigurbjörg!

Þingeyska amman mín sem flutti suður ung kona undraðist hve rökræður væru mistúlkaðar sunnan heiða! Værir þú ekki sammála einhverjum, þætti þeim sama þú vega að sér persónulega. Held hún hafi valið þá leið að hætta rökræðum við Sunnlendinga

[Baldvin Jónsson, 19.4.2009 kl. 23:40]

Sæll Sigurður, ég og Hlédís erum svo kallaðir bloggvinir og ég setti inn tengilinn hér að ofan vegna þess að ég var að skrifa þar um sama mál og í svipuðum dúr.

Vonandi að ég hafi ekki "truflað" þig of mikið :)