Mótmæli gegn gölluðum, jafnvel spilltum, stjórnendum...!?

..Ekki dettur okkur í hug að bera Ísland saman við þessi ósköp í útlöndum?!   Hjá okkur er allt svo lítið í sniðunum -og spilling flokkanna voða pen!  Auk þess erum við orðin svo vön gagnkvæmu bitlingunum þeirra, að við teljum þá orðið náttúrulögmál!  Ekki orð um það meir....

Stjórn Taílands dæmd frá völdum

Fjölmiðlar: Borgarafundur - Seðlabankaheimsókn.

Merkilegt með fjölmiðlana! Ég sat í bílnum á leið heim af fundinum, er fékk annarsvegar frétt um borgarafundinn þar sem "að mati lögreglu" höfðu mætt ríflega 800 manns - Rétt á eftir hét það í útvarpi, eitthvað á þessa leið: "Borgarafundurinn fór úr böndunum- og nú eru um 150 manns að ráðast á Seðlabankann!" Eitt veit ég - það er að borgarafundinum var slitið á venjulegan hátt og fór ekki úr neinum böndum - Á fundinum var alltof fátt fólk  - þó fleira en 800. Fjölyrði ekki um framtak þeirra er vildu ræða við Davíð O. eftir fundinn. Hann hafði að sjálfsögðu lokið sínum vinnudegi!    Hinsvegar var mjög misráðið að boða til mikilvægs fundar svo löngu fyrir vinnutímalok almennings. Margir hafa vinnu enn sem betur fer, og það komast ekki allir frá eins snemma og DO.

Réðust inn í Seðlabankann

Allt ómálefnalegir krakkar! - ályktar spakur Stefán F. Stefáns!

Stefán!   Mér , glænýjum bloggara, skilst að þú sért svona frekar "XD" - Gæti verið misskilningur. Við, þér mun eldri, munum eftir foreldrum okkar koma tárfellandi heim (Táragas var orsökin - ef þú skyldir ekki vita það!) af frægum mótmælafundi 1949. Þar var málefnalega krafan sú að þjóðaratkvæðagreiðsla færi fram um inngöngu í NATÓ. Málefnaleg rök hindra ekki ofbeldi valdhafa! Þú mátt trúa því, drengur minn     Unga fólkið sem þú kallar krakka, er orðið þreytt á að vera, ásamt obba þjóðarinnar, hunsað af valdhöfum vikum og mánuðum saman. Við sem eldri erum þekkjum okkar heimafólk - en höldum samt áfram að ströggla.

Með kveðju og von um vaxandi skilning!

Reynt að fá fólk út með góðu

Framsóknarriddarinn Finnur!

Eru menn búnir að gleyma verklagi Finns I.?   Sumir nýju svikamylluvíkingarnir eru börn á bleyjum miðað við hvernig hann notaði stjórnmála-vald sitt.  Mér var vel til þessa manns - og því eru vonbrigðin meiri. Nenni ekki að telja upp glæframenn annarra flokka.

 

SÍS vill rannsókn á Gift

JAG UNDRAR!

Hvernig eiga venjulegir Íslendingar að standa undir mafíu-okri, þ.e. verðtyggðu vaxtaokri - á sama tíma og þeim er gert að borga skuldir svikamyllu-víkinganna?      Þetta kemur auðvitað ekki "Stími" nokkurn hlut við. Öll "mylluhlutafélögin" eru - jú - svo gassalega lögleg!

Yfirlýsing frá Stími

Næsti fundur á Arnarhól 1. desember. Vel við hæfi!

"Einu sinni fyrir langa löngu".. komst Seðlabankinn fyrir í skúffu niðri í Landsbanka.. segir sagan. Síðan var hann heldur betur stækkaður og fluttur utan í Arnarhólinn.     "Elstu menn" - og jafnvel aðeins yngri - muna að það kostaði íslenskan almenning hörð mótmæli að hindra þá ósvinnu að Seðlabankinn stæði sem hár pýramídi á hvolfi gnæfandi yfir Arnarhól! Þetta er satt, en sjaldan talað um. Stendur það í sögubókum?

Læt fylgja tilvitnun úr Heimsljósi HKL.   Sjötíu ára - enn sem ný: 

“Vinur, sagði Annar Heldrimaður og faðmaði skáldið. Það er búið að loka Bánkanum. Einglendíngar hafa lokað Bánkanum. Það var og, sagði skáldið. Og hvernig stendur á því að einglendíngar hafa lokað Bánkanum, sagði Annar Heldrimaður. Það er af því að það eru aungvir peníngar leingur í Bánkanum. Júel er búinn að tæma Bánkann. Júel er búinn að sólunda öllu því fé sem einglendíngar lánuðu þessari ógæfusömu þjóð af hjartagæsku. Júel hefur sökt öllu fé einglendínga útí hafsauga. Þessvegna er búið að loka Bánkanum.”

 

Útifundur á Austurvelli

Mannúðlegri gjaldþrot! Á að klappa?

Stór hluti yngra og miðaldra fólks hérlendis stendur eða liggur í verðtryggingar-kviksyndinu - mislangt sokkið. Kviksyndið er manngert. Þeir menn, karlar og konur, sem dregið geta fórnarlömbin upp boða nú - hvað?  Mannúðlegri gjaldþrot? -  Eigum við að fagna?      

Firring fólks með allt upp í milljóna króna mánaðarlaun er óhugnanleg - og það telur sig passa best í björgunargallana.

Niðurfelling skulda eða ölmusa yfirvalda

Löggjafarþingmenn! STÖÐVIÐ RAUNVAXTA-OKRIÐ STRAX!

Fyrst þið (ríkisstjórnin) eruð að leggja höfuð í bleyti um varnaraðgerðir, verðið þið að skilja, að nú þarf að lækka RAUNVEXTI, þ.e  okurvexti á verðtyggðum lánunum,  strax - og þó fyrr hefði verið.
       Bankar hafa  hækkað raunvexti  gífurlega síðastliðin fá ár - meðal annars vegna hárra styrivaxta í "lítilli" verðbólgu. Nú lafa stýrivextir rétt í verðbólgunni, en raunvextir eru samt enn gjarna 10 - um 14%!!  Slík vinnubrögð og slikt okur þekkist trúlega hvergi á byggðu bóli nema á Íslandi. Mafíur blóðmjólka þó e.t.v. fórnarlömb sín svona.
Alþingi getur og verður að setja ÞAK á raunvexti.  Alþjóðagjaldeyrissjóðurinn getur varla haft neitt á móti því!  

Eins og nú háttar stunda bankar 'löglega' sjálftekt á vöxtum verðtryggðra lána. Ef þið skiljið ekki þetta, er ekki von á góðum árangri aðgerða á öðrum sviðum.

Óska ykkur góðs í erfiðu starfi - og að hlutlausari og menntaðri aðilium verði smám saman hleypt meir að björgunaraðgerðum.

Aðgerðir kynntar eftir helgi