Áætlun: bankar færu í þrot!

Áætlun - bankar færu í þrot!
 " Davíð Oddsson .... bankagjaldþrot ...." og fleira stendur í tengdri frétt.

Já einmitt!

Seðlabanka-sveinkar stýrðu beint í þrot - Við héldum að það hefði verið ÓVART! - En hver veit?

Klúður-MEISTARAR eru þetta!

Áætlun ef bankar færu í þrot

Athugasemdir

[Helgi (IP-tala skráð) 14.5.2009 kl. 08:24]

Hvað er verið að vekja upp þennan gamla draug? Var að vona að það væri endanlega búið að kveða hann niður!

[Hlédís, 14.5.2009 kl. 08:28]

Innilega sammála, Helgi!

Ömurlegt að sjá framan í jólasveinana!

[huldan (IP-tala skráð) 14.5.2009 kl. 08:34]

Sauðarlegir eru þeir á myndinni!

Fengu 2 millur á mánuði  fyrir "spekina" og kostaði tugi milljóna að losna við þá.   Ja svei!

[Sturla (IP-tala skráð) 14.5.2009 kl. 08:41]

Merkilegt hvað hatur fólks á einni persónu blindar það í að sjá hlutina í réttu ljósi.

[Sigurður Sigurðsson, 14.5.2009 kl. 08:56]

Sammála þér Sturla, þetta fólk veit greinilega ekkert um hvað það talar.  Það er í raun fyrir neðan virðingu manns að kommenta á svona rugl !!!

[Hlédís, 14.5.2009 kl. 09:17]

Sturla og SISI bara komnir nauðugir í vörnina! Enn einu sinni. Og vita allt best.

 Tilefnið er ömurlegt og sveinkarnir vekja aðeins fyrirlitningu sem er annað en hatur ;)

[huldan (IP-tala skráð) 14.5.2009 kl. 09:19]

Hverjir eru Sturla og Sissi?  DO undir dulnefni? Hagfræðingar kannski

[Gulli (IP-tala skráð) 14.5.2009 kl. 09:27]

Ég get nú ekki annað en spurt hvort fólk hafi yfirhöfuð lesið fréttina? Skv. fréttinni var það Seðlabankinn sem varaði við yfirvofandi bankahruni rúmlega hálfu ári áður en það gerðist, sem í raun þýðir að Davíð Oddsson hafði rétt fyrir sér um málin allan tímann.

Ég er hvorki sjálfstæðismaður né sérstakur aðdáandi Davíðs en fjandinn hafi það hvað fólk getur verið blint í gremjunni og hefndarfýsninni, sannleikurinn skiptir engu máli, bara að Davíð sé hengdur. Þetta er kallað á ensku "shoot the messenger". Davíð átti vissulega sinn hlut í því að bankarnir voru seldir en það er ansi vafasamt, svo ekki sé meira sagt, að halda því fram að hann hafi keyrt bankana í þrot. Eigendur bankanna gerðu það algjörlega sjálfir með lélegum rekstri. Ef Seðlabankinn hefði ekki gripið inní í október sl. hefði hrunið líklega orðið miklu stærra.

[hagfræðingur (IP-tala skráð) 14.5.2009 kl. 09:44]

Ósköp eiga þessir davíðsaðdáendur erfitt með að skilja að Seðlabankinn stýrði fjármálaumhverfinu og átti því stærstan þátt í hvernig fór.  En hrósi þeir bara áfram brennuvarginum í slökkviliðinu, greyangarnir!

[Árni Gunnarsson, 14.5.2009 kl. 10:34]

Orðatiltækið "að skjóta sendiboðann" er afar vel þekkt hér á landi Gulli og er búið að vera það lengi. Er það gáfulegra að segja þetta á ensku? Kannski veit einhver hvernig þetta er á grænlensku. En hvað svo sem Davíð hefur sagt á lokuðum fundum með ráðherrum þá skiptir það bara ekki öllu máli. Bæði Davíð og stjórnvöld neituðu öllum hrakspám sem streymdu víðs vegar að frá hagspekingum og pólitíkusum annara þjóða. Þessu trúði mikill fjöldi fólks hér á landi. Og það varð til þess að bönkum og hlutabréfamiðlurum tókst enn að blekkja fólk til að voga fé sínu og framtíð í viðskiptum við menn sem reyndust að lokum vera ótíndir glæpamenn.

Það hafa margir ástæðu til að láta reiði sína umbúðalaust í ljós ágætu kóarar.

[Hlédís, 14.5.2009 kl. 11:22]

Sæll, Árni!

Ég efa mjög að 'Gulli' kæri sig um að skilja orð þín, þó hann sé hvorki FLokksmaður né sér-aðdáandi DO, að eigin sögn.

[huldan (IP-tala skráð) 14.5.2009 kl. 11:35]

 "Þetta er kallað á ensku "shoot the messenger"" og "..blint í gremjunni og hefndarfýsninni.."     segir Gulli sem er ekki sjálfstæðismaður og ekki aðdáandi Davíðs. Honum er málið samt þó nokkuð viðkvæmt

[Arnar Ívar Sigurbjörnsson (IP-tala skráð) 14.5.2009 kl. 14:22]

Hverjir voru helstu ráðgjafar seðlabankastjóra? Voru það hagfræðingar?

Hverjir voru helstu ráðgjafar ráðherra? Voru það hagfræðingar?

Hverjir voru helstu ráðgjafar bankanna? voru það hagfræðingar?

Ef svo er því er þá ekki talað um það.

Seðlabankastjórar fóru eftir sínum ráðgjöfum varðandi peningamál.

[Hlédís, 14.5.2009 kl. 16:18]

Einn Seðlabankastjórinn var afdankaður pólitíkus sem hrifsaði til sín hálaunað embætti, vanhæfur! Um hina tvo vitum við lítið, enda heyrðist aldrei bofs frá þeim.  Seðlabankastjórar þurfa að kunna eitthvað fyrir sér sjálfir - ekki eingöngu að fara að annarra ráðum.

[Guðmundur Jónsson, 14.5.2009 kl. 19:39]

Í þessari frétt er sagt frá því Hlédís að Seðlabanki íslands hafi unnið áætlun þá sem kom í veg fyrir að ísland þurkaðist úr af korti hinna siðuðu þjóða. það má ef laust finna að ýmsu varðandi Seðlabankan á liðnum árum en þetta ber að hrósa honum fyrir.  

[Jakobína Ingunn Ólafsdóttir, 15.5.2009 kl. 02:04]

Var áætlunin unnin í samráði við AGS? Áætlun um að klúðra þessu þannig að hægt vari að dæma almenning í þrældóm til þess að greiða skuldir útrásarvíkinganna.

Var það með í áætluninni að henda 520 milljörðum í Kaupþing rétt fyrir hrun?

Það er fnykur af þessu öllu saman.

[Gulli (IP-tala skráð) 15.5.2009 kl. 13:41]

Sama vandamál hér og víðast í bloggheimum greinilega, fólk hefur ekki nægjanlegt hugarflug til að sjá að sumir geta raunverulega verið hlutlausir og látið vera að taka afstöðu, vilja frekar bíða eftir raunverulegum sönnunum áður en farið er að taka sakborninga af lífi.

Árni, ég setti þetta upp á ensku vegna þess einfaldlega að ég mundi ekki hvernig orðatiltækið var á íslensku - orðinn svolítið ryðgaður í slíku þar sem ég hef ekki búið á Íslandi í mörg ár. Skilaboðin eru samt þau sömu, það á að höggva einn ákveðinn mann bara af því hann fer í taugarnar á hópi fólks.

huldan: mér er málið vissulega viðkvæmt, en alls ekki eins og þú heldur fram - það fer endalaust í taugarnar á mér hvað fólk veður fljótt fram froðufellandi og með heykvíslarnar á lofti, tilbúið að slátra þeim fyrsta sem á vegi verður án þess að vita nokkuð um hvað er að gerast. Ég endurtek að ég er enginn sérstakur aðdáandi Davíðs Oddssonar en mér finnst út í hött hvernig fólk hefur hegðað sér í tengslum við hans meinta hlut í hruninu. Ég er heldur enginn aðdáandi Jóhönnu Sigurðardóttur en hleyp heldur ekki fram og heimta aftöku og limlestingar á henni fyrir að hafa neytt sveitarfélög í sameiningar sem m.a. keyrðu það sveitarfélag sem ég bjó í á hausinn og ansi mörg fyrirtæki í því hrundu vegna gríðarlegs niðurskurðs sem sveitarfélagið var neytt í sem eftirköst af þeirri "sparnaðaraðgerð" og gerði það m.a. að verkum að ég neyddist til að leita annað til að fá vinnu.

Mín skoðun er einfaldlega sú að meðan almenningur hegðar sér eins og erkifífl og sýnir raunverulegum málum engan áhuga heldur hleypur bara upp í gremju og hefndarhug á nokkurra áratuga fresti þarf fólk ekkert að gera sér vonir um að hlutirnir batni. Ég þori næstum að veðja aleigunni að allt það sem hefur gerst á Íslandi síðustu mánuði verður öllum gleymt strax og næsta uppsveifla verður komin á veg og allir hlaupa til og taka neyslulán fyrir hverri þeirri kaupæðistísku sem þá verður allsráðandi. Allt á 100% lánum, verðtryggðum og í erlendum gjaldeyri. Svo má bara hóta þeim sem situr í stjórn akkúrat þá líkamsmeiðingum og fíneríi og þá lagast allt.

Íslenskur almenningur er fífl upp til hópa. 

[huldan (IP-tala skráð) 15.5.2009 kl. 14:40]

Þar kom skýringin á fáfræði Gulla.

Hann hefur verið erlendis svo lengi! Ef hann segir satt. Hann skrifar grunsamlega líkt og hinir flokksdindlarnir: "ofsækja einn mann.." "Bíða eftir raunverulegum sönnunum"    "Fólk er fífl" frasinn er  DO/HHG-legur. 

Hvaðan G. hefur "limlestinga"-talið er spurning.  Eitt er víst, G. er óvenju arfaæstur af hlutlausum manni að vera