ALVÖRU SKATTRANNSÓKN á hugsanlegum brotum banka(hruns)manna telst FRÉTT !?

"Fjármálaráðuneytið hefur í samvinnu við skattrannsóknarstjóra og ríkisskattstjóra ákveðið að hafið verði sérstakt átak til að rannsaka hugsanleg brot á skattalögum í tengslum við hrun bankanna og í aðdraganda þess." Segir í tengdri FRÉTT!

Alvöru skattrannsókn á hugsanlegum brotum banka(hruns)manna telst FRÉTT 7 mánuðum eftir hrun?! 

Þetta er að vísu frétt - en mjög sorgleg - staðfesting á að lappir hafa verið dregnar mánuðum saman - af skipuðum embættismönnum og tveim ríkisstjórnum.

       ----      ---       ----

Föst lokaorð:

"Auk þess legg ég til að verðtryggingar-ólögunum verði eytt!"  

 

 

Skattalagabrot rannsökuð

Athugasemdir

[Hólmdís Hjartardóttir, 22.4.2009 kl. 14:03]

þetta er seint í rassinn gripið...en Joly sagði þetta enn hægt

[Einar Ólafsson, 22.4.2009 kl. 14:09]

Ef fréttatilkynningin er lesin, þá kemur í ljós að stjórnvöld hafa brugðist við með ýmsu móti og rannsóknir hafa verið settar í gang. Hins vegar hefur komið í ljós að varðandi ákveðna þætti, þ.e. skattalagabrot, þarf að auka kraftinn, en nýlega hefur Alþingi samþykkt tillögur núverandi fjármálaráðherra um breytingar á skattalögum til að greiða fyrir þessarar rannsókn. Eflaust þyrfti að auka kraftinn í öllum þessum rannsóknum, það vantar fé og fleira starfsfólk. En þessi frétt segir ekkert um hvort um eitthvert sérstakt sleifarlag hefur verið að ræða.

http://www.fjarmalaraduneyti.is/frettir/frettatilkynningar/frettatilkynningar/nr/12013

[Hlédís, 22.4.2009 kl. 14:37]

Þú segir nokkuð, Einar!

Nýju skattalagabreytingarnar gera sem sagt NÚ loks kleift að rannsaka almennilega? Ok, ég tek því - þó fréttin hafi vakið upp ergelsið yfir hægagangi allra rannsókna á hruninu.

[Einar Ólafsson, 22.4.2009 kl. 15:15]

Æ Hlédís mín, sem stofnfélagi í "fjallagrasaflokknum", sitjandi í tíu ár undir háðsglósum frá frjálshyggju-, útrásar- og stóriðjuaðdáendum, já, og ESB-sinnnum, þá hef ég nú tilhneigingu til að hlaupa í vörn fyrir mína félaga í ráðherrastólum. En lof sé ergelsinu þínu, þetta ætti allt að ganga miklu hraðar fyrir sig. Eflaust gæti ég týnt til ótal afsakanir fyrir seinagangi þessarar ríkisstjórnar, og geri það ef mér finnst það réttmætt og ástæða til, en hvort sem er, þá er mjög mikilvægt að hún, og ekki síður sú sem tekur við eftir kosningar, finni fyrir óþolinmæði fólks, ergelsi, reiði, aðhaldi, kröfum, en líka hvatningu og stuðningi til góðra verka. Og við skulum vera alveg klár á því, við getum aldrei lagt örlög okkar í hendur ríkisstjórnar, hversu góð sem hún er, við verðum að standa í lappirnar sjálf - og það gerir þú. Baráttan heldur áfram!

[Hlédís, 22.4.2009 kl. 15:41]

Þakka gott innlegg, Einar!

Ég styð félaga þína í ráðherrastólum til góðra verka og vona að þeir verði í stjórn eftir kosningar.

[inga (IP-tala skráð) 22.4.2009 kl. 17:17]

Sæl,

Nauðsynlegt að skoða allar fjármálastofnanir - hvort sem þær heita banki, lífeyrissjóður eða aðrar peningastofnanir.

Hvað var selt fyrir hrunið og voru innherjaupplýsingar notaðar?? Seldu forstöðumenn einhverra stofnana rétt fyrir hrunið?