SKÖMM FLokksins eykst við að hengja dyggan stuðningsmann - ekki HEIÐURINN!

Guðlaugur Þór Þórðarson sem til stendur að fórna fyrir Heiður Flokksins mun ekki geta fengið ríkisendurskoðun til að rannsaka störf sín hjá Orkuveitu R-víkur.  Það skiptir litlu máli.

Það sem skiptir máli er að framkvæmdastjóri flokksins til 25 ára sem enn hafði prókúru er milljónirnar 55 voru halaðar inn í flokkssjóðina - lýgur! Enginn þorir, af einhverjum ástæðum. að hrófla við honum. Þetta er eins og var með píslarvottinn í Seðlabankanum.

Enginn heldur því fram að GÞÞ hafi ekki vitað um FENGINN frá glæfrafyrirtækjunum, fáir halda því fram að gjafirsömu fyrirtækja til Samfylkingar hafi verið fullkomlega eðlilegar.  Forkólfar og eigendur Sjálfstæðisflokksins skulu bara ekki ímynda sér að þeim takist að hreinsa HEIÐUR með því að fórna dyggum og áhugasömum flokksmanni. Gamla framkvæmdastjóranum tókst ekki að ná HEIÐRI með því að ungur eftirmaður hans segði af sér.  Það sem þið fáið út úr þessu er aukin SKÖMM!

Ríkisendurskoðun hefur ekki heimild

Athugasemdir

[Hólmdís Hjartardóttir, 14.4.2009 kl. 11:41]

Nei nú á að fórna eins fáum og hægt er....það er verið að jarða GÞÞ  en það er ekki nóg....fleiri munu koma á eftir korteri fyrir kosningar

[Hlédís, 14.4.2009 kl. 12:06]

Sæl og blessuð, Hólmdís!

Þetta lið hefur augljóslega notað hæfileika GÞÞ til að stýra söfnunarátaki - og ætlar svo að slá hann af sjálfu sér til bjargar! Ekki var álitið á forystunni þarna mikið fyrir, en....

GeirHH má þó eiga að benti ekki á einhvern annan!

[ThoR-E, 14.4.2009 kl. 12:10]

Já.. þetta er skrítið hvað allir virðiast vera hræddir við Kjartan fyrrv. framkvæmdstjóra.

Bjarni Ben sagði í fjölmiðlum að Kjartan hafi eins og aðrir sem voru á skrifstofunni á þeim tíma, hafi vitað af styrknum.

Síðan hefur einhver skammað formanninn nýja ... og Bjarni Ben mætir í viðtal og segir að Kjartan hafi sennilega ekki vitað af styrkjunum.

Hvað er í gangi innan flokksins? það er eitthvað mikið að.

Mér persónulega mundi finnast það gott mál ef Guðlaugur yrði tekinn út af listanum í Reykjavík.

Þetta er ekki hans versta brot, ekki nálægt því.

Ef manneskjan hefði kært ... væri pólítískur ferill hans í rúst. Vona ég að það verði.

[Óskar Arnórsson, 14.4.2009 kl. 12:15]

Skömm er römm við að eiga

FL-flokkurinn ljúga bara því sem þeir segja

Fl-flokkurinn tala með rassg..og freta

Má ekki taka flokkinn og drepa? 

Þetta er fyrsta vísan mín. Ætli ég geti ekki orðið ljóskáld þegar ég verð stór?

[Ásta B (IP-tala skráð) 14.4.2009 kl. 12:18]

Allt þetta mál er svo ótrúlegt að það tekur engu tali.

"Fyndnast" fannst mér í gær að Bjarni Ben sagði að menn væru að draga nafn Kjartans framkvæmdastjóra flokksins inn í málið.  Bjarni sem sjálfur hafði talað um hlut Kjartans fyrir framan alþjóð kvöldinu áður.

Síðan kom Guðlaugur sjálfur og sagði að utan að komandi einstaklingar væru að skemma fyrir flokkun.

Ég trúi því varla að þetta fólk haldi að einhver trúi þvælunni sem lekur út úr þeim.

Reyndar eru fleiri mál tengd frambjóðendum Sjálfstæðisflokksins sem mér finnst þurfa að upplýsa.

T.d. sagði Þorgerður Katrín í október 2008 að það væri óþolandi að fólk væri að tortryggja hennar mál og allt þyrfti að komast á hreint.  Í viðtali við Visi.is sagði hún að hún vissi ekki hvort 500 milljónirnar féllu á þau hjónin, á félag þeirra en skuldirnar yrðu greiddar.  Þetta er enn jafn óljóst í dag og það var í október síðastliðnum.

Hún er óskaplega hneiksluð á "mútunum" en finnst líklega kúlulán (sem líklega verður borgað af almannafé) til hennar fjölskyldu upp á 500 milljónir ok.

Síðan eru það mál sjóðs 9 hjá Glitni, þar sem Illugi Gunnarsson sat.

Hvers vegna borgaði ríkissjóður milljarða inn í þann sjóð?

Allt í kringum þetta fólk er subbulegt, svo einfalt er það og ef það hefði einhvern vott af sómakennd þá myndi það ekki vera í framboði til Alþingis í dag.

[Hlédís, 14.4.2009 kl. 12:20]

AceR!

Þakka gott innlegg! Ég vissi ekki að Bjarni litli hefði verið látin taka orð sín til baka!Hvaða kvenmaður?

[Hlédís, 14.4.2009 kl. 12:22]

Óskar!

Ekki svo slök frumsmíð! Auk þess ertu skáld

[Hlédís, 14.4.2009 kl. 12:28]

Sæl Ásta B!

Ég sá ekki þitt góða innlegg fyrr en nú!

Grænu bólunum fjölgar stöðugt

[ThoR-E, 14.4.2009 kl. 12:58]

Hlédís .. ég held að ég fari ekki nánar út í það. Menn eru víst saklausir uns sekt er sönnuð ... og sú manneskja ætlar ekki að kæra Guðlaug ... en brot hans var alvarlegt.

[Rakel Sigurgeirsdóttir, 14.4.2009 kl. 13:34]

Það er ljóst að framgangurinn í þessu máli er allur hinn undarlegasti. Mér sýnist að það sé löngu tímabært að dæma flokkinn út af og rannsaka hann sem glæpasamtök. Öll lygin sem hefur ollið upp úr þeim rökstyður það að það er verið að hylma yfir eitthvað sem þeir vita sjálfir að stangast á við lög. Orð þeirra stangast á og m.a.s. orðin sem koma upp úr einum og sama einstaklingum eru önnur í dag en þau voru í gær.

Það ætti að liggja í augum uppi hvar heiður þeirra sem verða þannig uppvísir af beinum lygum liggur En undarlegast finnst mér að þeir skuli fá að fjalla um þessi mál sjálfir í sínum eigin ranni í stað þess að gefa efnahagsbrotadeildinni skýrslu og sæta nákvæmri rannsókn! Ég skil ekki að nokkrum þyki það í lagi að einstaklingar sem haga sér eins og þeir séu að verja skipulagða glæpastarfsemi fái að bjóða sig fram til þings

[Hlédís, 14.4.2009 kl. 13:41]

Sæl Sigurbjörg!

þakka innlit og innlegg!

Sendir þú blogg-vini skilaboð og fáir svarið: "Enginn með nafnið xxx..".  er málið að stroka allt út úr efri glugganum nema bloggnafnið í mínu tilfelli   disdis  - Þá drattast skilaboðin sína leið ;)  - -  Blogg-umsjón er ekki enn búin að svara mér hvort geti lagfært villuna.

[Hlédís, 14.4.2009 kl. 13:55]

Rakel!

Hvað varð um hamingjusömustu, óspilltustu, sætustu, gáfuðustu litlu þjóðina í stórasta landinu?!

[Rakel Sigurgeirsdóttir, 14.4.2009 kl. 14:16]

Hva, á ég að vita það Ekki flæmdi ég hana úr landi

[Hlédís, 14.4.2009 kl. 14:30]

Þú segir það, Rakel!?

Þú ert orðinn frambjóðandi á lista sem er hvað hættulegastur  Flokknum nú og því komin skotleyfi á þig

[Emil Örn Kristjánsson, 14.4.2009 kl. 14:34]

Ég ætla svo sem ekki að taka þátt í þessum umræðum en Óskar, þessi vísa þín er óttalegur leirburður. Hún rímar ekki einu sinni, hvað þá að hún standist kröfur um hrynjandi og ljóðstafi.

[Hlédís, 14.4.2009 kl. 14:40]

Emil Örn!

Þakka bókmenntarýnina! Ég segi bara eins og annar góður, fróður maður sagði, er hann átti erfitt með að hrósa vísu: "En hugsunin er góð"

[Rakel Sigurgeirsdóttir, 14.4.2009 kl. 15:01]

Þetta var bara púðurskot sem ég tek ekkert til mín Ég get alveg tekið það til mín að ég sé þokkalega hamingjusöm en sennilega ekki hægt að tala um að maður sé óspilltur þegar maður er kominn á sama aldur og ég. Þó er ég laus við alla fjármálaspillingu. 

Þetta með gáfurnar og það að vera sætust er kannski ekki mitt að meta. Hef aldrei sóst eftir því að vera hvorugt en hef aldrei skammast mín fyrir gáfurnar a.m.k. Hins vegar lít ég svo á að ég tilheyri smáþjóð og skil ekki að það sé eftirsóknarvert að snúa því neitt við.

[Hlédís, 14.4.2009 kl. 15:24]

Rakel!

Þú auglýstir ekki listann þinn! Ég geri það þá fyrir þig:

Rakel á sæti á O-lista Borgarahreyfingarinnar. 

 XO er sérlega góður kostur fyrir þá sem kosið hafa spilltan flokk í síðustu kosningum og vilja að hann hætti alveg eða hvíli sig og endurhæfi.    Í Borgarahreyfingunni er fólk með mismunandi flokk-pólitískan bakgrunn - og ráðlegt að kynna sér stefnumál hennar, t d hér á netinu.

[Rakel Sigurgeirsdóttir, 14.4.2009 kl. 15:35]

Ég er svo hógvær en ég hef nú laumað að nokkrum auglýsingum á síðunni minni samt en takk fyrir þína hjálp

[Óskar Arnórsson, 14.4.2009 kl. 16:27]

Ég hef aldrei reynt að gera vísu áður. Hvað er hrynjandi og ljóðstafir?

[Jón Snæbjörnsson, 14.4.2009 kl. 16:40]

um hvað snýst málið

[Hlédís, 14.4.2009 kl. 16:49]

Sæll, kæri Jón!

Málið er komið út um alla móa! - en sést í fyrirsögn og pistli!

[Hlédís, 14.4.2009 kl. 16:59]

Óskar!

Ég á eftir að svara mjóg góðu net-bréfi sem fékk frá þér fyrir nokkrum dögum. Þá getum við rætt bragfræði nánar!

Emil þessi virðist ekki hafa húmor fyrir prósaljóðum  - sérlega ekki um FLokkinn, grunar mig.

[Óskar Arnórsson, 14.4.2009 kl. 17:07]

Ef hann er Sjálfstæðismaður þá er hann....nei ég ætla að vera kurteis við þenna mannandskota. Vissi ekki að hann væri svonba "hinsegin".. ;)

[Hlédís, 14.4.2009 kl. 17:19]

Óskar!

það eru til fyrirtaks-Sjálfstæðismenn, en þeim fækkar nú hratt í Flokknum Eina! Nýjasta fylgiskönnun í Reykjavík norður sýnir um eða yfir 60% fylgistap FLokksins.

[Óskar Arnórsson, 14.4.2009 kl. 18:02]

Ég kaus nú einu sinni Sjálfstæðisflokkinn. Það mun ALDREI  ske aftur. Það eru nú góðar frettir! 60% fylgistap sem ég spái að muni aukast...

[Sigurður Þórðarson, 14.4.2009 kl. 22:32]

Sæl Hlédís og gestir.

Það er enn til siðs að fórna lambi á altari ranglætis til græðgisguðsins óguðlega. Reynt er að telja fórnarlambinu tilvonandi trú um að það öðlist æðri tilgang með því að láta fórna sér fyrir málstaðinn.

Blóði hins saklausa fórnarlambs er þvínæst úthellt sem dreypifórn til að hreinsa syndir  æðstuprestana, sem dysja lífvana skrokkinn án viðhafnar og virðingar.  

 

[Emil Örn Kristjánsson, 14.4.2009 kl. 23:39]

Svo við höldum okkur við bókmenntarýnina þá er það engin afsökun fyrir leirburði að reyna að kalla hann prósaljóð. Það er svipað og þegar spretthlaupari kemur síðastur í mark og reynir að telja fólki trú um að hann hafi sko verið að keppa í göngu.

Góð hugsun ein og sér skapar ekki ljóð. Þó reyndar kalli sig margir skáld sem eru í bezta falli orðheppnir.

[Hlédís, 14.4.2009 kl. 23:42]

Sæll og blessaður, Sigurður!

Þú lýsir þessu vel. Mér þætti gaman að vita hvernig drengurinn sem fórnað var á föstudaginn langa var lokkaður upp á altarið. Meina að sjálfsögðu fyrrverandi nýja framkvæmdastjórann. Og hvaða tilgangi þjónaði það? - Æfing?

[Hlédís, 15.4.2009 kl. 01:05]

Ágæti Emil Örn!

Háskólakennarinn sem ég hafði setninguna eftir var að tala um innihald texta, er hann sagði að hugsunin væri góð. Oft var hann að að spauga.       Kímnigáfa hefði komið þér að bestu haldi til að skilja yfirleitt tjáskipti okkar Óskars í gær.  Ekki að ég skuldi þér skýringu.     Enginn hefur nokkru sinni borið upp á Óskar Arnórsson að hann væri ljóðskáld - og síst hann sjálfur!

[Jenný Stefanía Jensdóttir, 15.4.2009 kl. 05:30]

Það er varla hægt að tjá sig um þessar ógöngur sem þessi fyrrverandi stærsti flokkur þjóðarinnar er búinn að steypa sig í,  einn og algjörlega óstuddur.

Þegar Hlédísin svarar beint, er kímnigáfan skammt undan.  Líklegt má telja að sú gáfa, kennd við kímni og húmor, muni þegar allt kemur til alls skila okkur heilum í höfn.  Megum bara ekki missa húmorinn ....... svona inn á milli.

Takk fyrir

[Hlédís, 15.4.2009 kl. 09:14]

Jenný Stefanía!

Gott innlegg - og gaman að sjá þig hér ;)

Ekki má húmorinn vanta - reyni að hafa það hugfast.  - Erfitt að brosa nú í morgunmund, rétt á meðan  "Óreiðu"-lögreglan"  handtekur hússtökufólk í einu af ótal eyðihúsum útrásarinnar í miðborg Reykjavíkur!

[Óskar Arnórsson, 15.4.2009 kl. 10:43]

Þessi Emil Örn er eitthvað undarlegur. Líklegast neikvæðu og hundleðiðinleg týpa. Ég er ekkert skáld. Samt var ég hvattur að kennaranum mínum vegna ritgerða, á semja barnabækur.

Hann skrifaði barna bækur sjálfur og hann hét Ármann Kr. Einarsson. Enn bara svona til að vera kurteis við þig Emil Örn! Ég hef engan áhuga fyrir vísum eða ljóðum né að skrifa barnabækur.

Ef þú ert Sjálfstæðismaður tilheyriru stærsta glæpaflokki á Íslandi! Farðu og þvoðu froðusnakkið úr kjafinum á þér. Enn það er gaman að ég skýldi geta komið þér úr jafnvægi með fyrstu vísuni minni á allri æfi minni! 

[Ásthildur Cesil Þórðardóttir, 15.4.2009 kl. 10:44]

Seint mun hægt að kalla Guðlaug Þór saklausan.  En ég veit hvað þú ert að tala um Hlédís mín.  Og ég er sammála þér, það upphefur enginn sjálfan sig á því að niðurlægja aðra.  Ég held satt að segja að sjallar haldi að þetta dugi þeim.  Þeir hafa aldrei þurft að takast á við svona mál eins og þeir eru staddir í í dag, og þeir hreinlega skilja ekki kjarna málsins.  En er hræðslan við Kjaran ekki bara sú að um langt árabil hefur hann verið varðhundur Davíðs, og unnið þau skítverk sem ætlast var til af honum, eins og að senda hótunnarbréf, og láta fólk vita að það nú sé komið nóg og ef það ætlar að halda stöðu sinni, þurfi það að þagna..... Mér sýnist vera ljóst að bak við allt þetta sitji hefndarguðinn sjálfur og spinni örlagavefinn utan um flokkinn sinn og meinta andstæðinga þar. 

[Hlédís, 15.4.2009 kl. 11:22]

Kæra Ásthildur!

Sammála innleggi þínu. Þú tekur eftir að ég segi GÞÞ dyggan stuðningsmann Flokksins - og tel hann að sjálfsögðu inni í "styrkja"-málinu. Var að gagnrýna henginguna!

[Sigurður Þórðarson, 15.4.2009 kl. 12:48]

Varðandi ljóðagerðina hans Óskars, þykir mér mest um vert að við lestur ljóðsins opinberast mér tær og djúpvitur hugsun. En á það hefur einmitt skort hjá landsfeðrunum hin síðari ár að mínu viti.  Það er nú verkurinn vondi.

[Hlédís, 15.4.2009 kl. 13:00]

Æ, minnst'ekkj'á'ða ógrátandi, Sigurður minn!

[páll heiðar (IP-tala skráð) 15.4.2009 kl. 13:14]

eru sjálfstæðismenn hættir að ræða stjórnmál og komnir í bragfræði.það líst mér á.snúa sér að því sem þeir hafa kannski vit á

[Emil Örn Kristjánsson, 15.4.2009 kl. 13:30]

Já, Óskar. Það er náttúrulega erfitt að dæma fólk eftir fátæklegum samskiptum á netinu. Enda er mat þitt á mér kolrangt. Ég er vissulega undarlegur en því fer fjarri að ég sé neikvæður og leiðinlegur. Þvert á móti er ég ákaflega jákvæður, lífsglaður, bráðskemmtilegur og fyndinn. Sannkallaður hrókur alls fagnaðar á mannamótum.

Ég veit ósköp lítið um þig hins vegar og ælta mér ekki að dæma um þína eðlisþætti að óreyndu. Mér þykir miður að hafa valdið þér slíku hugarangri með rökstuddum dómi mínum á sk. "vísnagerð" þinni. Tek enda fram að ég gangrýndi aðeins form "kveðskaparins" en ekki efnistök. Um þau hef ég ekki hugsað mér að tjá mig.

[Emil Örn Kristjánsson, 15.4.2009 kl. 13:40]

Páll Heiðar, það vill til að auk þess að vera íhaldsmaður þá hef ég mikinn áhuga á kveðskap og yfirleitt öllu því sem snýr að íslenzkri tungu og beitingu hennar. Ég er einnig áhugamaður um viskí, sögu Reykjavíkur, Dónárveldi Habsborgara, íbúalýðræði, sparneytnar bifreiðar og James Bond. Ég held satt að segja að það sé engin fylgni á milli þessara margvíslegu áhugamála og ég tel mig vera vel viðræðuhæfan um hvert fyrir sig án þess að hin trufli.

[páll heiðar (IP-tala skráð) 15.4.2009 kl. 13:49]

Emil.spenntur að heyra hvernig gengur að samræma þau áhugamál að vera íhaldsmaður og íbúalýðræði,eða lýðræði yfir höfuð.sérstaklega þessa dagana.er ekki draga kunnáttu þína í kveðskap í efa,en ég leyfi mér að efast um að fylgni við FLokkinn sé byggð á vísindum.en það er bara mín skoðun

[Óskar Arnórsson, 15.4.2009 kl. 13:49]

'eg er ekkert frá því að mitt mat á þérv sé kolrangt. Væri heldur ekki í fyrsta skipti sem ég met fólk rangt. Þessi vísa vara bara djók, því Hlédís veit að ég er með algjört ofnæmi fyrir ljóðum um sér í lagi passíusálmum sem eiga að vera bannaðaðir inna 80 ára í þá eingömgu ef báðir foreldrar eru viðstaddir.

Svo ógeðslegir finnst mer sá kveðskapur vera. Var pyntaður með að hlusta á þessa vitleysu frá 6 ára aldri til 12 ára aldur í torfkofa á Vestfjörðum. Mátti ekki einnu sinni fara á kamarinn meðan þessi viðbjóður var lesin á hverjum páskum.

Svo er íslenska ekki lengu mín fyrsta mállýska. Það er sænska. Ég á 6 börn og passað vel upp á að engin af þeim læri þetta mál sem ætti að vera komið á þjóðmynjasafnið fyrir löngu síðan.

[Hlédís, 15.4.2009 kl. 13:55]

páll heiðar!

Gaman að sjá þér bregða hér fyrir! Gangi þér vel á sjónum - og kjóstu nú rétt 

[Sigurður Þórðarson, 16.4.2009 kl. 09:12]

Páll Heiðar, það rifjast upp fyrir mér gamalt kvæði, sjálfslýsing, eftir ónefndan höfund sem endar svona:

" Fátt eitt kann hyggja // harpslátt og bragháttu" Ég þykist vitað að Emil Örn kann að meta dýran kveðskap í fornum braghætti. Og á ég þá frómu ósk til handa flokksbræðrum hans að þeir muni unga hag sínum best, a.m.k. næsta kjörtímabil í því að iðka harpslátt og bragháttu af alúð og aðra mannbætandi iðju. 

[Hlédís, 16.4.2009 kl. 09:43]

Sæll, Sigurður!

Emil Örn mun einmitt eiga sér mjög fjölþætt hugðarefni og er það vel. Sama má segja um okkar kæra 'Mannsa', þótt ljóðlist sé honum ekki að skapi.

es: ég er raunar ekki hætt að senda ÓA vísur.  Hann verður að kynnast þeim ;)   Þessi vísa Bólu-Hjálmars þótti honum ekki svo afleit:

Þarna liggur letragrér,

lýðir engir sýta.

Komi nú allir hrafnar hér

hans á leiði að skíta.

..heldur ekki þessi:

Víða til þess vott ég fann, 

þó venjist tíðar hinu,

að guð á margan gimstein þann 

sem glóir í mannsorpinu.
 

[Sigurður Þórðarson, 16.4.2009 kl. 10:09]

Þetta eru eftirminnilegar kjaftbrúksvísur og seinni vísan á ágætlega við, þann góða dreng Sumarliða Óskar Arnórsson, (hann hefur tekið hátíðlegt loforð af mér að kalla sig aldrei aftur M....), sem er ágætlega listhneigður þó ekki sé hann líklegur til að taka að sér að leiðbeina þeim sjálfstæðismönnum við hörpuleik og braghætti, þá gæti hann áreiðanlega kennt þeim eitt og annað nytsamlegt.

[Hlédís, 16.4.2009 kl. 12:01]

Sigurður!

Seinni vísa Bólu-Hjálmars er ekki venjuleg skætings-vísa. Hann orti þá vísu eftir að Reykvíkingur sem ekki vildi láta nafns síns getið sendi honum rausnarlegan fjárstyrk.           það er varla að maður kunni við að nefna styrki um þessar mundir - slíkt 'óorð' er komið á þá !  

Mikið þó hræðilega eiga eftirfarandi ljóðlínur Hjálmars oft við:

Félagsbræður ei finnast þar,

af frjálsum manngæðum lítið eiga.

Eru þar flestir aumingjar,

en illgjarnir þeir sem betur mega. 

Baráttukveðjur!

[Emil Örn Kristjánsson, 16.4.2009 kl. 12:13]

Mig minnti að það hefði verið biskup, sem styrkti Bólu-Hjálmar á sínum tíma en það kann að vera misminni.

Annars kvað Bólu-Hjálmar einnig, oddhent og hringhent:

Það er dauði og djöfuls nauð

að dyggðasnauðir fantar

safna auð með augun rauð

en aðra braðuðið vantar.

[Sigurður Þórðarson, 16.4.2009 kl. 12:33]

Takk fyrir þennan frábæra vísnaþátt hjá ykkur báðum tveim Emil og Hlédís.

[Hlédís, 16.4.2009 kl. 13:04]

Þakka þér einnig kærlega, Emil!

Biskup getur vel hafa staðið að baki þessum styrk til Hjálmars, en nafn velgjörðamannsins var honum ókunnugt þá orti vísuna.

[Óskar Arnórsson, 16.4.2009 kl. 22:16]

"Það er dauði og djöfuls nauð

að dyggðasnauðir fantar

safna auð með augun rauð

en aðra brauðið vantar."

Aldeilis frábær lýsing á útrásarvíkingum, Sjálfsæðisflokknum, Samfylkingunni og Framsókn! Algjör snilld! 

PS: Emil! Ég lagaði eina staffsettningarvillu hjá þér! þú ert alveg ágætur... 

[Hlédís, 16.4.2009 kl. 22:44]

Sæll, kæri Sumarliði ;)

Ég held sérlega upp á þetta nafn.

Bið að heilsa!

[Emil Örn Kristjánsson, 16.4.2009 kl. 23:44]

Þakka þér fyrir, Óskar. Rétt skal vera rétt. Ég er viss um að þú er ágætur líka.

Annars á þessi vísa við á öllum tímum. Þeir hafa alltaf verið til, sem hugsa fyrst og fremst um eigin hag og eru tilbúnir til þess að níðast á náunganum. Það hefur ekkert með stjórnmál að gera.

[Sigurður Þórðarson, 17.4.2009 kl. 00:09]

 Já, Sumarliði er fallegt nafn og mun hlýlegra en til dæmis Veturliði.

Mikið er það nú annars yndislegt að líta hérna við rétt fyrir háttinn og sjá hvað allir eru ljóðelskir ljúfir og góðir hver í annars garð. Það er greinilega mannbætandi að líta við hérna í lok erfiðs vinnudags.

Ég vona að ykkur dreymi fallega.

Góða nótt.

[Hlédís, 17.4.2009 kl. 00:21]

Satt segirðu, kæri Sigurður!

Við höfum verið einstaklega ljúf og ljóðelsk hér í dag. Gott á þessum síðustu og . .

Vantaði bara að  hjörtu ...  ....  færu á flug!

Góða nótt!

[Hlédís, 17.4.2009 kl. 09:27]

Í dag fréttist að Flokknum hafi tekist að stöðva allar stjórnarskrárbreytingar! Sú frétt er náskyld styrkjahneykslum hans.

"Sjálfstæðis"-Flokkurinn gengur erinda þeirra sem gefinn var fiskveiðikvótinn - auðlind þjóðarinnar - með fullkomlega ósiðlegum hætti. Við getum rétt svona gert okkur í hugarlund hvaða "styrki" hann hefur þegið fyrir greiðann!  Svei þessum gjörspillta LANDRÁÐA-LÝÐ!

[Hlédís, 17.4.2009 kl. 09:30]

Hvar er nú Lögguherinn með keðjusagirnar, kylfurnar og eitrið? Sjálftökulið hefur rænt eigum heillar þjóðar. Verjið eignaréttinn núna! 

[Emil Örn Kristjánsson, 17.4.2009 kl. 11:02]

Það er nú svolítið stórt upp í sig tekið að Sjálfstæðisflokkurinn hafi stöðvað alla stjórnarskrárbreytingar. Vonandi tekst engum það. Þeir hafa hins vegar komið í veg fyrir að til þeirra verði kastað höndum og þær afgreiddar í einhverskonar vinsældaöflun kortéri fyrir kosningar.

Stjórnarskráin er þau grunnlög sem öll önnur löggjöf byggir á og hún er sá öryggisloki sem kemur í veg fyrir að hægt verði ráðast gegn grundvallarmannréttindum okkar og hefðum með lagasetningu. Þess vegna á að vera tímafrekt og erfitt að breyta henni. Annars getur illa farið í hita augnabliksins.

Ég tek það fram að ég tel löngu tímabært að endurskoða stjórnarskrána og ég er mjög fylgjandi stjórnalagaþingi, sem ég vil reyndar kalla þjóðfund, eins og gert var 1851. Ég tel líka að allar stjórnarskrárbreytingar eigi að bera undir þjóðaratkvæðagreiðslu sem til þess er sérstaklega boðað en ekki í tengslum við alþingiskosningar. Ég tel einnig að til að breyta stjórnarskrá eigi að þurfa aukinn fjölda atkvæða og lágmarks kosningaþátttöku.

Ég tek það einnig fram að ég er íhaldsmaður og flokksbundinn sjálfstæðismaður og ég hafna því, sem oft hefur verið haldið fram á síðustu mánuðum, að sjálfstæðismenn séu almennt á móti stjórnarskrárbreytingum, þjóðfundi um stjórnarskrána eða þjóðaratkvæði yfirleitt.

Þess vegna fagna ég því að stjórnarskrárbreytingarumræðan hefur verið tekin af dagskrá. Stjórnarskráin á skilið meiri tíma og vandvirkni til að henni verði breytt.

[Hlédís, 17.4.2009 kl. 11:26]

Ég sé að við erum sammála í meginmálum, Emil, þó þú viljir kaupa afsakanir Flokkseigenda fyrir hagsmunagæslunni og hræðslu við rýrð völd.