hlédís

lau. 11.4.2009

Loftur Altice Þorsteinsson! - góður að vanda ;)

Loftur Altice Þorsteinsson | 9.4.2009

Samfylkingin fjármögnuð af Evrópusambandinu ?

"Alvarlegar grunsemdir hafa vaknað um að Samfylkingin hljóti umfangsmikla fjárstyrki frá Evrópusambandinu, beint og óbeint.... " segir í pistli LAÞ frá 9. apríl sl.

Virðist Loftur hafa ætlað að hreinsa FL-okkinn af allri sök um óviðeigandi móttöku peningagjafa, með þeim rökum að Samfylkingin HAFI ÖRUGGLEGA gert eitthvað jafnslæmt eða verra.

Undirrituð las umræðuna, 46 færslur alls - og komst að eftirfarandi niðurstöðu:

" Loftur þessi er svo Rökþéttur í sinni "sælu trú" - að það er fullkomlega tilgangslaust að rökræða við hann. Hef séð til mannsins áður. Þetta væri fyndið ef væri ekki sorglegt. Tragíkómiskt!

ES: Loftur má þó eiga það sem hann á: hann leyfir athugasemdir við bloggið sitt. Sennilega er það vegna þess að hann tekur ekki mark á þeim. "

Nú vildi svo skoplega til, að þegar átti að færa þetta inn, reyndist undirrituð í banni á síðu Lofts;) Hef sennilega gagnrýnt eitthvað hjá blessuðum manninum þegar leit við hjá honum einu sinni fyrir margt löngu.

Veit ekki um aðra - en mér finnst fyndið að vera á leið að pota inn á mann hrósi fyrir að taka við athugasemdum og koma þá að læstum dyrurm - vegna fyrri athugasemda! Að öðru leyti er ekkert nýtt um blogg LAÞ að segja.

--- --- ---

Ekki verður föstum lokaorðum sleppt:

"Auk þess legg ég til að verðtryggingar-ólögunum verði eytt!"

	Allt komið fram sem máli skiptir
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Ég hef tekið eftir því að trúfélagar í Sjálfstæðisflokknum hafa brugðið á það ráð að afsaka mútustyrki til Sjálfstæðisflokksins með fullyrðingum um að allar flokkar séu spilltir. Þar með á að vera í góðu lagi að Sjálfstæðisflokkurinn sé spilltur, sæki neyðarstyrk til Neyðarlínunnar, tugi milljóna til FL-group og Landsbankans og leggi sig í kjölfar í líma við að koma á samningum á milli OR (þar sem Guðlaugur Þór er stjórnarformaður), REI og EGG (þar sem FL-group ræður ríkjum ásamt Bjarna Ármanns).

Mórallinn er: Sjálfstæðisflokkurinn má vera spilltur af því að aðrir eru líka spilltir. Þannig er siðferðið.

Jens Guð, 12.4.2009 kl. 00:14

Jakobína Ingunn Ólafsdóttir, 12.4.2009 kl. 00:24

Sæl Hlédís.

Það er rétt sem þú segir að þú varst í banni. Eftir athugun sé ég að það er rétt.

Líklega hef ég lokað á þig, þótt ég minnist þess ekki. Hvernig sem bannið hefur komið til, þá er því hér með aflétt ! Ég vona að þú kætist.

Kveðja.

Loftur Altice Þorsteinsson, 12.4.2009 kl. 01:06

Þrymur, ég er fæddur og uppalinn í Sjálfstæðisflokknum. Í dag er ég í Frjálslynda flokknum. Sá flokkur er algjörlega óspilltur. FF var fyrstur flokka til að hafa opið bókhald (reyndar voru VG þar í grennd). Við í FF höfum ætíð haft allt uppi á borðum og allt gegnsætt.

Jens Guð, 12.4.2009 kl. 01:17

FL-okkurinn segið þið, á það um Samfylkinguna þau fengu styrk þaðan. Eða er það ekki að marka vegna þess að styrkurinn var miklu lægri, fær maður þyngri dóm fyrir að að skjóta mann 10 sinnum í stað tvisvar.

Stefán Óli Sæbjörnsson, 12.4.2009 kl. 01:51

Það er sem ég segi, það er einn flokkur umfram aðra sem er með fullt af siðblindu fólki innanborðs. Það er með ólíkindum að fólk sé til í að leggja lag sitt við slíkan óheiðarleika, það er eins og sumir búi hreinlega ekki á jörðinni. Þetta er eins og trúarhreifing, alveg sama hvaða skítur býr undir menn trúa samt. T.d. konur sem trúa á guð, þann sama og segir að ef kona öskri ekki nógu hátt á hjálp þannig að til hennar heyrist ef henni er nauðgað þá eigi að grýta hana til dauða. Ég nenni ekki að telja upp meira af ljótum hlutum úr þeirri bók en þetta er trú og það sama á við um Sjálfstæðisflokkinn, flokkurinn er trúarhreyfing. Að lesa sumt af því sem þessir menn hérna á blogginu setja fram, hrokinn og yfirlætið er slíkt að manni setur hljóðan. Sjálfstæðisflokkurinn er krabbamein í íslensku samfélagi.

Valsól (IP-tala skráð) 12.4.2009 kl. 07:51

Það er einnig undarlegt hve margir hægri bloggarar eru gjarnir á að banna athugasemdir á blogginu sínu. Ég get nefnt nokkra sem hafa bannað mig, Hjörtur heitir einn, Gísli Freysr Sigurður Sigurðsson og fl. Bara fyrir það eitt að spurja þeirra spurningar hvers vegna menn verji óheiðarleika? Kemur greinilega við þá.

Valsól (IP-tala skráð) 12.4.2009 kl. 07:54

sæl og gleðilega hátíð.í öfugu siðferði þessa flokks hlýtur það að teljast heiður að komast á bannlista á blogginu hjá þeim.þessir tilburðir til að rógbera skít í allar áttir eru aumkunarverðir og segir sitt um vandræðaganginn.nú þarf ekkert annað en nokkrar ræður frá fyrrum seðlabankastjóra þar sem hann hamast við að kalla þjóðina fífl eða nokkrar greinar frá skósveininum hans með sama innihaldi og þá má kalla þetta flokksbrot.get varla beðið í 2 vikur

páll heiðar (IP-tala skráð) 12.4.2009 kl. 09:00

Sæll og blessaður Loftur!

Þakka fyrir kommentið! Þessi stríðnispistill minn er svona heldur barnalegur. Var á leiðinni að eyða honum er opnaði tölvuna - en rakst þá á athugasemdir frá þér og nokkrum öðrum. Hann fær því að standa.

Það er sjálfsagt rétt að við séum mörg stíf á meiningunni - erum að tala um mikilvæg mál - sem sjáum frá gjörólíkum sjónarhólum.

Endurtek nú hrósið til þín um að þú bloggar með öðrum hér, en skrifar ekki bara ofan úr "Umræðunni" predikanir sem ekki má svara ;)

Hlédís, 12.4.2009 kl. 10:00

Þrymur og Stefán Óli!

"Mín hlið", eins og annar ykkar kalla þá sem gagnrýna Sjálfstæðisflokkinn, telur að sá flokkur sé orðinn spilltur af of miklum völdum - of lengi. Rök og sannanir fyrir því eru óteljandi. Stefán Óli skýtur sjálfan sig í fótinn, því hann er að ræða styrkupphæðir - undir 5 milljónum fyrir 2007 sem FL-okkurinn hans hefur nú þegar skilgreint sem eðlilega styrki til stjórnmálaflokka.

"Mín hlið" er ekkert að mæla með fjáraustri fyrirtækja í stjórnmálaflokka. Þeim sem eru aflögufær, væri nær að einskorða gjafir sínar við góðgerðastofnanir.

Hlédís, 12.4.2009 kl. 10:27

Það er merkilegt Hlédís að þú virðist nákvæmlega sömu skoðunar varðandi greiðslur fyrirtækja til stjórnmálaflokka og við í Sjálfstæðisflokknum ! Ég get nefnt nokkur dæmi þessu til staðfestingar.

Þegar Geir Haarde hélt framsögu um lagafrumvarpið um "fjármál stjórnmálasamtaka" 08.desember 2006, sagði hann meðal annars:

Við teljum nauðsynlegt að verja stjórnmálalífið fyrir þeirri hættu að gerðar verði tilraunir til þess að hafa áhrif á úrslit einstakra mála með óeðlilegum hætti.

Davíð Oddsson sagði í fyrirspurnartíma ráðherra á landsfundi Sjálfstæðisflokksins 2006 að flokkurinn væri tilbúinn að standa að tillögu sem bannaði fyrirtækjum að styðja stjórnmálaflokka ef aðrir væru tilbúnir til þess. Samfylkingin vildi ekki takmarka framlög heldur að upplýst væri um gefendur þeirra.

Þá má geta þess, að Kjartan Gunnarsson, fyrrverandi framkvæmdastjóri Sjálfstæðisflokksins og varaformaður undirbúningsnefndar um lögin um "fjármál stjórnmálasamtaka", lýsti yfir eftirfarandi á blaðamannafundi 22. nóvember 2006:

Það er mín skoðun að möguleikar fjársterkra fyrirtækja og einstaklinga til þess að hafa áhrif á stjórnmálalífið og stjórnmálastarfsemina séu margfaldir og allt aðrir í dag en þeir voru á þessum tíma og það er höfuðástæða þess t.d. að ég er mjög eindreginn talsmaður þessara tillagna og var eindreginn talsmaður þess að lögaðilum væri bannað að leggja fé í stjórnmálastarfsemi.

Þessi ummæli Kjartans og Davíðs eru eins og töluð úr mínum munni. Ég hef verið þessarar skoðunar áratugum saman, eins og margir Sjálfstæðismenn, en Samfylkingin hefur verið andvíg. Nú er Samfylkingin sakleysið uppmálað og beita "smjörklípu-hernaði" (smear tactics) gegn Sjálfstæðisflokknum.

Loftur Altice Þorsteinsson, 12.4.2009 kl. 10:51

er ég að missa af einhverju.hvaða flokkur var að taka við svimandi (styrk)frá fl og landsbanka.á að taka mark á því sem þið segið eða því sem þið gerið.hættið allevega að kasta skít í aðrar áttir þangað til einhver rök eru á bak við.

páll heiðar (IP-tala skráð) 12.4.2009 kl. 10:59

Ég las ekki þennan pistil Lofts en tel mig óyggjandi vita að þess séu dæmi að Evrópusambandið hafi beitt sér í þágu afla sem styðja innlimun ríkja í sambandið. Þetta gerðist bæði með beinum og óbeinum hætti í kosningunum í Tékklandi og var fóðrað sem kynningarstarfsemi á Evrópusambandinu.

Sigurður Þórðarson, 12.4.2009 kl. 11:33

Viðbrögð Sjálfstæðisflokksins við mútuhneykslinu eru óvenjuleg í alla staði og bera þess greinilega merki að þau eru ekki samin af flokknum sjálfum heldur af PR sérfræðingum í áföllum sem beita því sem þeir kalla "damage control". Vandinn er sá að leikendurnir þ.e. forystumenn flokksins kunna ekki hlutverk sín og virka eins og leikarar á sviði sem lesa hálf óskiljanlegan texta. Sú var tíðin að þessir menn töldu að best færi á því að lögaðilar fjármögnuðu alla starfsemi stjórnmálaflokka og þegar þeir halda allt öðru fram verða þeir afkáralegir og botna sjálfir ekkert í nýja hlutverkinu. Svo bregðast krosstré sem önnur tré, Vistmenn á Kvíabryggju sjá í gegn um þetta og einn þeirra spurði hvort þetta væru ekki mennirnir sem komu landinu á hausinn?

Sigurður Þórðarson, 12.4.2009 kl. 11:59

páll heiðar!
Reynum ekki að þykjast skilja órannsakanlega vegi og hugleiðingar forhertustu Fl-okksmanna! Þeir eru meira að segja búnir að eigna sér frumkvæðið að lögunum margumræddu sem gengu í gildi 1. jan 2007, þó hafi barist árum saman GEGN þannig lagasetningu ;)
Lestu endilega nýlegan pistil Einars Ólafssonar:
http://einarolafsson.blog.is/blog/einarolafsson/entry/850387/
Í ljósi nýjustu frétta, eru orð úr þingræðu GeirsHH um sömu lög einna sérkennilegust:
"Ég ítreka það fyrir mína parta að höfuðástæða þess að Sjálfstæðisflokkurinn telur nú brýnt að setja löggjöf af þessu tagi eru þær viðurhlutamiklu breytingar sem orðið hafa á efnahags- og fjármálaumhverfinu á Íslandi sem þó eru í sjálfu sér auðvitað mjög jákvæðar. Við höfum ekki séð nein merki þess í dag að reynt sé með óeðlilegum hætti að hafa áhrif á stjórnmálastarfsemina í landinu af hálfu fjársterkra fyrirtækja eða fjársterkra einstaklinga en við viljum reisa skorður við þeim möguleika áður en slíkt gerði hugsanlega vart við sig og við viljum jafnframt gera flokkunum mögulegt að starfa með öflugum hætti með því að veita þeim eðlilegan stuðning af opinberu fé. Við teljum það nauðsynlegt til þess að flokkarnir geti sinnt því grundvallarlýðræðishlutverki sínu og því sem þeim er ætlað í stjórnskipan landsins. Við teljum nauðsynlegt að verja stjórnmálalífið fyrir þeirri hættu að gerðar verði tilraunir til þess að hafa áhrif á úrslit einstakra mála með óeðlilegum hætti."

http://www.althingi.is/dba-bin/ferill.pl?ltg=133&mnr=435

Fróðlegt er ekki hvort heldur hvernig, Loftar, Þrymir og aðrir hreintrúaðir talsmenn FL-okksins ná að túlka þetta og snúa gegn, segjum Samfylkingunni eða VG!

Hlédís, 12.4.2009 kl. 12:02

Sæll og blessaður, Sigurður!

Við tvö erum sjálfsagt sammála Lofti og mörgum öðrum um að maðkar muni leynist undir steinum og í mysu hjá Bandaríkjum Evrópu. EB eru samsuða af því tagi sem hættir við að verða spillingu að bráð. Ég persónulega gaf því nafnið Nornapottur Evrópu - löngu áður en til urðu trúasamtök sem telja að frelsun Íslands liggi í "örmum" þess.

Hlédís, 12.4.2009 kl. 12:16

Kæri Sigurður Þ!

Sá nú fyrst seinna innleggið frá þér. það er mjög fróðlegt - ekki síst vísunin í Kvíabryggjuheimsóknina!

Hlédís, 12.4.2009 kl. 12:23

Takk fyrir ábendinguna um færslu Einars Ólafssonar hann er ágætur að vanda.

Spillingin er hluti af mannlegu eðli og getur orðið að miklu samfélagsmeini ef ekki er brugðist við. Hún er því miður ekki bundin við flokka en það segir sig sjálft að hún dafnar best við þær aðstæður að sami flokkur sé lengi við stjórn.

Það er mikið af heiðarlegu fólki í Sjálfstæðisflokknum og það á mikið og erfitt verk fyrir höndum, við styðjum þetta ágæta fólk best með því að kjósa ekki flokkinn við þessar aðstæður. Allt annað væri syndaaflausn fyrir spillingargosana sem settu landið á hausinn.

Sigurður Þórðarson, 12.4.2009 kl. 12:27

Þessi Loftur er auðvitað haldinn of miklum loftþrýstingi.

Þetta er farið að líkjast mjög áróðri íhaldsins gegn vinstri mönnum vegna ímyndaðs rússagulls.

Það er nú sannað, að eini stjórnmálaflokkurinn sem hefur fengið ,,Rússagull" í fjárhirslur sínar er Sjálfstæðisflokkurinn.

Ekki þýðir fyrir Sjálfstæðisflokkinn að fara taugum vegna þessa.

Gamli íhaldsflokkurinn þ.e.a.s. kommúnistaflokkur Rússlands hefur bara verið að senda systurflokki sínum uppi á Íslandi Sjálfstæðisflokknum fjárstuðning. Í gegnum vin sinn Björgvin.

Sömu aðilarnir sem brugðust sérstaklega hratt við vandanum á Íslandi þegar Davíð Oddsson vældi í haust.

Sjálfstæðismenn kunna svo sannarlega að nota Rússagullið og þeir eiga að vera þeir menn, að viðurkenna það.

Það má vel vera að Samfylkingin fái einhverja aura frá Evrópu ekki veit ég það

Kristbjörn Árnason, 12.4.2009 kl. 15:40

Kristbjörn, þú segir nokkuð!

Rússa-gull þegið af FLokknum Eina!

Sem sé Rússa-gullBaugs-flokkur!

Og það sá eini á landinu!

Hvað segir Varnarliðið nú?

Hlédís, 12.4.2009 kl. 15:52

"Þessi Loftur er auðvitað haldinn of miklum loftþrýstingi" Ég veit ekki hvort þetta er "viðurkennt" læknifsfræðilegt vandamál kannski að Hlédís geti upplýst okkur um það. Hitt er annað að ég veit um stað í Hafnarfirði þar sem er hægt að fá jafnað segul- og orkusvið líkamans gegn vægu gjaldi. Ef til vill er hægt að jafna loftþrýstinginn í leiðinni? Hver vill vera með rangan loftþrýsting um lengri eða skemmri tíma?

Sigurður Þórðarson, 12.4.2009 kl. 16:09

Kristbjörn hefur sérkennilegt hugmyndaflug og eys af því í allar áttir. Þessi flugeldasýning er bara skemmtileg, en ekki beint vitleg. Er hugsanlegt að einhversstaðar leynist flokkur, sem getur sameinað svona viðhorf ?

Loftur Altice Þorsteinsson, 12.4.2009 kl. 16:32

Sæll og blessaður Loftur!

Ekki förum við neitt að rökræða

Mig langar að benda þér á að það fyrirfinnst fólk, t d ég, sem ekki tilheyrir neinum flokki.

ES: Þetta með loftið látum við sem vind hjá eyrum þjóta - enda spaug sem þú hefur sjálfsagt heyrt alloft.

Hlédís, 12.4.2009 kl. 16:42

Enn er einhver þrýstingur eitthvað að plaga Loftkútinn.

Íhaldsflokkarnir heita misjöfnum nöfnum allt eftir því hvar þeir eru staddir. og allir eru þeir markaðslega þenkjandi. Þegar stofnaður er íhaldsflokkur í öreigalandi þar sem fólk á ekki málungi matar lofar hann fólkinu mat og frumþjónustu.

íhaldsflokkur í velferðarlandi lofar fólki allt öðrum hlutum t.d lágum sköttum en lítilli velferðarþjónustu. o.s.frv.

Allir leggja þeir áherslu á, að elítan hafi völd hvað sem það kostar. Allir nota þeir hverskyns mafíutrix til þess, eins og hér í landi.

Það vill svo til að ég þekki þessi íslensku trix og hef tekið á móti sendiboðunum. Allt fer þetta nú ljúflega fram og engar hótanir eru uppi við.

Allt í einu hefurðu uppgötvað, að þitt fyrirtæki er komið út í kuldann. Þá snertir það bæði viðskiptatækifæri og fyrirgreiðslur.

Það þýðir ekkert að blása á þetta Loftur minn.

Kristbjörn Árnason, 12.4.2009 kl. 17:43

Ef ég skil þig rétt Kristbjörn, ert þú að kalla eftir hreinu réttlæti. Það samfélag er varla til þar sem hreint réttlæti ríkir. Varla ertu að hafna lýðræðinu, því að ekki á réttlætið frekar skjól í öðrum kerfum. Ég held að þú sért að fást við óleysanlega gátu, en enginn bannar þér það.

Loftur Altice Þorsteinsson, 12.4.2009 kl. 17:59

´Held að flestir séu að kalla eftir að þessi flokkur hreinsi fjóshauginn sinn áður en af hlýst umhverfisslys sem lyktar út um alla veröld frekar en að elta ímyndaðan arfa í kálgarði nágrannans(annarra flokka).Ég held að fólk fyllist RÉTTLÁTRI reiði þegar flokkurinn sem hefur verið með skítkast í allar áttir og sakað aðra flokka um að ganga annarlegra erinda er svo gripinn með allt niðrum sig en heldur samt áfram að kasta skít.Annars óska ég þess að svona málaflutningur haldi áfram því hann er ykkur ekki til framdráttar.Kjósendur eru bara ekki þvílík skammminnug fífl sem þið haldið

páll heiðar (IP-tala skráð) 12.4.2009 kl. 18:33

Loftur minn,

Ertu nú kominn í vandræði? Vandamálið er að hún Hlédís er Þingeyingur og verandi einn slíkur þá líst mér ekki á þetta. En flokkarnir eru allir spilltir og jafn vitlaust eins og mér finnst Samfylkingarfólk vera þegar það reynir að hvítþvo sína fortíð dag eftir dag, þá er spurning hvort þú sért ekki sjálfur að leiðast út í þrifnaðaræðið.

en jæja

bestu kveðjur

sandkassi (IP-tala skráð) 12.4.2009 kl. 19:29

Sæll Gunnar.

Ég tel að Sjálfstæðisflokkurinn þurfi ekki að fyrirverða sig fyrir stefnu sína. Þar á meðal er sú stefna, að fyrirtækjum skuli ekki leyft að fjármagna stjórnmálstarfsemi. Nógu fjandi svínlegt er að sjá hvernig auðmagnið misnotar fjölmiðlana, meðal annars til að halda að fólki þeirri fásinnu, að Evrópusambandið sé okkar Gósenland.

Mér segir hugur, að innan skamms muni forusta flokksins átta sig á að undanhald fyrir röngum ásökunum er ekki vænlegt til að virkja almenna flokksfélaga til starfa. Að minnsta kosti væri fróðlegt að vita hvar mörk hins siðlega og hins ósiðlega liggja, þegar kemur að löglegri fjármögnun stjórnmálaflokka. Jafnvel skilgreining Samfylkingarinnar væri áhugaverð og auglýsi ég hér með eftir henni.

Góð kveðja.

Loftur Altice Þorsteinsson, 12.4.2009 kl. 20:02

gaman að sjá þig, annars er það nú flattering að fá svona umfjöllun:)

bkv.

sandkassi (IP-tala skráð) 12.4.2009 kl. 20:05

dómarinn sem málinu skiftir hefur orðið þann 25.flestir sem koma þar að hljóta spyrja er stefnan það sem sagt er eða það sem gert er.ég er að minnsta kosti þeirra skoðunar að styrkir frá FL og Landsbankanum séu langt frá siðferðislínunni,það langt að línan sé punktur sem varla sést.aðrir verða að svara fyrir sig og munu eflaust gera það þann 25.

páll heiðar (IP-tala skráð) 12.4.2009 kl. 20:12

Sæll páll heiðar!

Stefnan er einmitt það sem gert er! Þú fyrirgefur frönskuna, en FL-okkurinn gerði á sig í þetta sinn! Sennilega er rétt hjá Lofti að Sjallar hefðu ekkert átt að afsaka sig og reyna að "hvítþvo". Þeir ófu sig inn í stöðugt grunsamlegri vef - og gerðu illt talsvert verra.

Hlédís, 12.4.2009 kl. 23:53

Sæl yndið mitt.Ætlarðu að lofa mér að banna ekki kommentin mín,þó ég kjósi kannski annan flokk en þú

páll heiðar (IP-tala skráð) 12.4.2009 kl. 23:59

kæri ph..

..þú svíkur mig þó ekki eftir alla Styrkina ..trú'ð'í'bar'ekkj'á'ðig