Vesæll bakaradrengur hengdur - enginn smiður krossfestur -og það á föstudeginum langa ?

"Engin niðurstaða að loknum þingflokksfundi" segir í tengdri frétt  

Getur verið að menn ætli loks að hugsa sinn gang? - og hætta hengingum og krossfestingum rétt í bili - þótt dagurinn hæfi óneitanlega vel til aftöku.

       ----     ---     ----

Ekki verður föstum lokaorðum sleppt:

"Auk þess legg ég til að verðtryggingar-ólögunum verði eytt!"  

Framhaldið í höndum formannsins

Athugasemdir

[Jens Guð, 11.4.2009 kl. 01:10]

  Andri,  saklaus,  er látinn segja af sér.  Geir - búinn að kúpla sig úr stjórnmálum - tekur alla sök á sig.  Stefán nokkur (man ekki hvers son) segir sig úr stjórn SUS í mótmælaskini.  Guðlaugur Þór kannast ekki við neitt.  Viðurkennir þó að hafa fengið menn til verksins án vitneskju um hver afrakstur var.  Kjartan Gunnarsson prófkúruhafi segist ekki hafa vitað neitt.  En nú veit hann hverjir bera sök.  Það voru ekki Geir né Andri. Hann hvetur sökudólgana til að gefa sig sjálfviljuga fram.  Bjarni Ben segir sökudólgana ekki vera kjörna fulltrúa og telur nóg að Andri,  saklaus, og Geir taki á sig sök.  Bjarni harmar jafnframt að mútumálið komi upp á þessum tímapunkti (rétt fyrir kosningar). 

[Jens Guð, 11.4.2009 kl. 01:12]

  Hvað varð um umræðuna um neyðarstyrk Neyðarlínunnar til Sjálfstæðisflokksins?  Hver átti þar frumkvæði og hvers vegna sá Neyðarlínan ástæðu til að veita Sjálfstæðisflokknum neyðarstyrk?

[Hlédís, 11.4.2009 kl. 06:59]

Sæll Jens!  Og aðferðirnar við að fara í kring um sannleikann! "Að fara undan í flæmingi" er sannarlega besta lýsingin á því!  Kj. Gunnars síendurtók með örlítið breytilegu orðalagi:"Ég sótti ekki eftir styrk til þessarra félaga og tók ekki við peningunum" jafnvel þegar hann var spurður beint: "Vissir þú af þessum styrkjum?"

Peningurinn frá 112 var svo lítill að hann var ekkert mál. Meginreglur veit fólkið ekki hvað er on'á brauð.

[Hlédís, 11.4.2009 kl. 08:51]

Jói Ragnars minnti á viðeigandi vers sálmaskáldsins í bloggi sínu gær:

Sjá hér, hvað illan enda

ótryggð og svikin fá;

Júdasar líkar lenda

leiksbróður sínum hjá;

andskotinn íllskuflár

enn hefur snöru snúna

snögglega þeim til búna,

sem fara með fals og dár.

(Hallgrímur Pétursson)

--

Es: Ef Óskar Á kíkir inn, sér hann hér dæmi um snilli Hallgríms;)