ENN berast leikar á Hausaskeljastað - eða er það Valhúsahæð?

"Geir H. Haarde, .....segist einn bera alla ábyrgð á því, að flokkurinn tók við 30 milljóna króna framlagi frá FL Group ..." segir í tengdri frétt.

Geir tekur á sig syndirnar

- Ekki fór forveri hans eins að:   Sá klifraði ekki sjálfur á krossinn.   Minnihlutastjórn - takið eftir minnihlutastjórn - krossfesti næstsíðasta formann!

Tímasetningin er að minnsta kosti góð - dymbilvikan!

      ----     ---     ----

Ekki verður föstum lokaorðum sleppt:

"Auk þess legg ég til að verðtryggingar-ólögunum verði eytt!"  

 

Geir segist bera ábyrgðina

Athugasemdir

[Hlédís, 8.4.2009 kl. 18:53]

• PASSÍUSÁLMUR NR. 51
• Á Valhúsahæðinni
• er verið að krossfesta mann.
  Og fólkið tekur sér far
• með strætisvagninum
• til þess að horfa á hann.
  
• Það er sólskin og hiti
• og sjórinn er sléttur og blár.
• Þetta er laglegur maður
• með mikið enni
• og mógult hár,
  
• Og stúlka með sægræn
• augu segir við mig:
  
• Skyldi manninum ekki leiðast
• að láta krossfesta sig?

(Steinn Steinarr)

[Ásthildur Cesil Þórðardóttir, 9.4.2009 kl. 00:04]

Hlédís ég hlustaði á þetta með óbragð í munni og hugsaði; hvað hefur gengið á þarna áður en maðurinn veikur í meðferð ákvað að taka á sig allan skítinn, svo hinir mættu vera hvítþvegnir í kosningabaráttu.  Bíddu aðeins meðan ég æli.... Hversu trúverðugt verður þetta meðal almennings, og þá er ég ekki að tala um trúfélagana, þeim verður ekki bjargað, heldur hinum almenna borgara í þessu samfélagi?

[Hlédís, 9.4.2009 kl. 00:16]

Þau eru svo vitlaus að sjá ekki að Geir hefði ekki getað leynt 55 milljón krónunum nema að taka við þeim í reiðufé, stela þeim og fela þær! Eitt er að opinbera ekki bókhald flokksins - annað að hafa ekki bókhald! Fullyrðing/játning Geirs fer með 'mannorð' Flokksins úr ösku í eld.

[Óskar Arnórsson, 9.4.2009 kl. 03:34]

Á ekki að leggja fram frumvarp um krossfestingar á Íslandi? Arnarhóll er alveg tilvalin staður.

[Hlédís, 9.4.2009 kl. 12:25]

Óskar! 

Mikil synd er að þú kynntist aldrei ánægjunni af lestri ljóða!  Það er rétt hjá Baldri Her. !  Valhúshæðin er tákn Golgata eftir að Steinn orti Passísálm nr. 51!  Mér líst líka vel á hugmyndina um Arnarhól.

[Óskar Arnórsson, 9.4.2009 kl. 12:57]

Ég var pyntaður með með Passíusálmunum frá 6 ára aldri til 12 ára aldurs!

Það var einu skiftinn sem keypt var batterý í útvarpið í þessum torfkofa sem ég bjó í á Vestfjörðum. Maður mátti ekki eini sinni fara á kamarinn meðan þetta rugl var lesið.

Ég skal taka á mig neglingar á DO og Geir H. til að byrja í réttum enda. Vil bara hamar og stóra nagla.

Milli Passíusálma þurfti ég að hlusta á alla þvælu úr Biblíunni. Á hverju einasta kvöldi.

Það á að banna Passíusálmanna nema fyrir fólk sem er orðið 80 ár og í fylgd með foreldrum sínum. Svo mikill viðbjóður eru þessir Passíusálmar.

Hver er þessi Hallgrímur sem samdi þetta? Og hvar er hann grafin? Mig langar að pissa á gröfina hans.  

[Hlédís, 9.4.2009 kl. 13:33]

Óskar!   

þú ert ekki á réttu róli þarna! það var fullorðna fólkið í kring um þig sem gerði rangt, ekki Hallgrímur.  þú VEIST  að þetta var hvorki gott né skynsamt fólk. Mín góða og trúaða fóstra í sveitinni lét sér ekki detta í hug að börn hlustuðu á svona þungan skáldskap. Hún kenndi mér sumar heilræðavísur Hallgríms Péturssonar og létt, falleg vers eftir önnur skáld - einnig var oft kveðist á við mig og þá þurfti að læra alls konar vísur!

 Hér er slóð á smáupplýsingar um Hallgrím. Annars var hann mjög athygliverð persóna og greindur óþægðar-gutti á yngri árum, rétt eins og þú!

 

 

http://www.skolavefurinn.is/_opid/islenska/bokmenntir/hofundar/hallgrimur_petursson/heilraedi/index.htm

 

[Óskar Arnórsson, 9.4.2009 kl. 14:53]

Ef þú ættir að veita börnum eitt heilræði, hvað myndi það vera?

Banna þeim að fara til Íslands!

[Hlédís, 9.4.2009 kl. 20:48]

Óskar!

Hér er mikil fræðsla um Um Hallgrím Pétursson  sem fæddist fyrir tæplega 400 ÁRUM !   http://visindavefur.hi.is/svar.php?id=6087   

Gerðu það kíktu á!  Það lýsir betur því sem ég var að segja þér um persónu hans og brek á yngri árum - einnig erfiðu en atburðaríku lífi.

[Óskar Arnórsson, 10.4.2009 kl. 03:46]

jæja þá, fyrst þú segir það! Ég kíki á þetta. Einn eigöngu þín vegna!

[Óskar Arnórsson, 10.4.2009 kl. 03:52]

Svo er ég EKKI trúaður. Nema á engla. Það hefur sóna kosti. Engar kirkjur, engar predikanir og engir söfnuðir. Bara séð einn sem bytist mér a allri minni æfi. Mig langar að sjá þennan engil aftur. Engillinn talaði ekki neitt, enn ég skildi samt allt sem hann hugsaði. Þetta var kona með vængi og ekta alvöru engill. Ekk hérna megin lifs samt. 

[Óskar Arnórsson, 10.4.2009 kl. 04:22]

Hallgrímur Pétursson er jafnan talinn fæddur í Gröf á Höfðaströnd árið 1614. Foreldrar hans voru Pétur Guðmundsson og kona hans Solveig Jónsdóttir. Hallgrímur mun að mestu hafa verið alinn upp á Hólum í Hjaltadal  (faðir minn stundaði nám þarna) en þar var faðir hans hringjari.

Hefur hann þar líklega notið frændsemi við Guðbrand biskup Þorláksson en Pétur og hann voru bræðrasynir.

Hallgrímur þótti nokkuð baldinn í æsku og af ókunnum ástæðum hverfur hann frá Hólum. Enn skrítið? Skildi fullorna fólkið á Hólum hafa verið ólagi?

Segir sira Vigfús Jónsson frá Hítardal, sem skrifaði ævisögu Hallgríms, að hann hafi að sumra sögn komist „í einhvörja ólempni fyrir kveðskap eður þesskonar unggæðishátt hjá fyrirkvenfólki á stólnum“.

Telur Vigfús að fyrir þennan kveðskap hafi Hallgrímur verið látinn fara frá Hólum og hafi eftir það farið utan og komist þar í þjónustu hjá járnsmið eða kolamanni, annað hvort í Glückstadt í Norður-Þýskalandi eða í Kaupmannahöfn.

Nú honum var refsað fyrir kvæðinn! Gott á hann.

Hvað sem því líður þá er Hallgrímur kominn til Kaupmannahafnar árið 1632 en þá um haustið kemst hann í Vorrar frúar skóla fyrir tilstyrk Brynjólfs Sveinssonar, síðar biskups.

Haustið 1636 er hann kominn í efsta bekk skólans og er þá fenginn til þess að hressa upp á kristindóm Íslendinga  (hvaða kristindóm?) þeirra sem leystir höfðu verið úr ánauð í Alsír eftir að hafa verið herleiddir þangað eftir Tyrkjaránið 1627.

Meðal hinna útleystu var Guðríður Símonardóttir úr Vestmannaeyjum en hún mun hafa verið um það bil sextán árum eldri en Hallgrímur (líklega fædd 1598). Guðríður var gift kona.

Hét maður hennar Eyjólfur Sölmundarson og hafði hann sloppið við herleiðinguna úr Eyjum. Þau Hallgrímur og Guðríður felldu hugi saman og varð Guðríður brátt barnshafandi af hans völdum. Þar með var skólanámi Hallgríms sjálfhætt og hélt hann með Guðríði til Íslands vorið 1637.

Eyjólfur, maður Guðríðar, var þá dáinn, hafði farist í fiskiróðri rúmu ári áður en óvíst er að sú frétt hafi borist Hallgrími og Guðríði fyrr en eftir að þau komu til ættjarðarinnar.

Guðríður ól barn stuttu eftir komuna til Íslands og skömmu síðar gengu þau Hallgrímur í hjónaband.

Næstu árin vann Hallgrímur ýmiss konar púlsvinnu á Suðurnesjum og þar munu þau hjón hafa lifað við sára fátækt en ekki er vitað með vissu hvar þau bjuggu á þeim tíma.

Árið 1644 var Hallgrímur vígður til prests á Hvalsnesi og mun hann þar hafa notið síns forna velgjörðarmanns, Brynjólfs biskups.

Heldur vænkaðist hagur þeirra hjóna við það en sagnir herma að sambúð Hallgríms við stórbokka og auðuga útvegsbændur í nágrenninu hafi þó verið heldur brösótt og hann þá stundum látið fjúka í kviðlingum.

Hallgrímur þjónaði Halsnesþingum þangað til honum var veittur Saurbær á Hvalfjarðarströnd árið 1651. Þar bjó hann við nokkuð góð efni þrátt fyrir að bær þeirra Guðríðar brynni í eldi árið 1662.

Nokkru seinna, 1665, var Hallgrímur sleginn líkþrá og átti erfitt með að þjóna embætti sínu. Lét hann endanlega af prestskap 1668. Þau hjón flytja síðan til Eyjólfs sonar síns á Kalastöðum og síðan að Ferstiklu og þar andaðist Hallgrímur 27. október 1674.

Þriggja barna Hallgríms og Guðríðar er getið með nafni í heimildum. Eyjólfur var elstur, þá Guðmundur og yngst Steinunn sem dó á fjórða ári.

Eftir hana orti Hallgrímur eitt hjartnæmast harmljóð á íslenska tungu. Ekkert er vitað um afdrif Guðmundar en trúlega hefur hann dáið í æsku eða á unglingsárum.

Eyjólfur bjó síðast á Ferstiklu eftir föður sinn og þar andaðist hann 1679. Flutti þá Guðríður móðir hans aftur að Saurbæ og dó þar árið 1682 hjá síra Hannesi Björnssyni, eftirmanni Hallgríms í embætti

Hallgrímur er tvímælalaust frægast trúarskáld Íslendinga og líklega hefur ekkert skáld orðið þjóðinni hjartfólgnara en hann.

Frægasta verk hans eru helvítis Passíusálmarnir, ortir út af píslarsögu Krists. Þeir voru fyrst prentaðir á Hólum 1666 og hafa nú komið út yfir níutíu sinnum. Hallgrímskver, sálmar og trúarleg kvæði eftir Hallgrím, kom fyrst út á Hólum 1755.

Það hefur síðan verið gefið út allnokkrum sinnum, meðal annars af meistara Hálfdani Einarssyni sem lagði sig mjög fram um að fá sem réttastan og bestan texta skáldsins.

Þykir síðasta útgáfan sem hann sá um hvað traustust en hún kom út á Hólum 1773.

Hallgrímur orti einnig sálma út af fyrri Samúelsbók og upphafi þeirrar síðari en hætti þá í miðjum klíðum. Sigurður Gíslason og Jón Eyjólfsson á Gilsbakka luku Samúelssálmum að Hallgrími liðnum og voru þeir prentaðir á Hólum 1747.

Sálmurinn Um dauðans óvissan tíma (Allt eins og blómstrið eina) er ásamt Passíusálmunum frægasta trúarljóð Hallgríms og hefur lengi verið sungið við flestar jarðarfarir á Íslandi. Ógeðslegt!

Hallgrímur samdi einnig guðrækileg rit í óbundnu máli. Sjö guðrækilegar umþenkingar komu fyrst út á Hólum 1677 og Diarium Christianum (Dagleg iðkun ...) 1680.

Af veraldlegum kveðskap Hallgríms er helst að nefna Krókarefsrímur og Rímur af Lykla-Pétri og Magelónu. (Sjá Rit Rímnafélagsins VII. Finnur Sigmundsson bjó til prentunar. Reykjavík 1956).

Þá tók hann til við að yrkja Rímur af Flóres og Leo þar sem Bjarni Jónsson skáldi hætti og lauk þeim. (Sjá Rit Rímnafélagsins VI. Finnur Sigmundsson bjó til prentunar. Reykjavík 1956).

Hallgrímur var vel lesinn í íslenskum fornbókmenntum og fékkst meðal annars við skýringar á fornum kveðskap.

________________________________________________________________________

Já Hlédís mín, það eru margar risaeðlurnar  sem voru til í fornöldum. Þetta skáld er bara fífl.... og prestur ofan á allt annað! Ógeðslegt!