Gleðilegt ár, umsjónarmenn blog.is! Hér er fyrirspurn til ykkar.

Ég - nýkomin i mbl-bloggið - kemst ekki hjá að sjá tvennt sem kemur undarlega fyrir.
1) - Í dálki nefndum; UMRÆÐAN standa tímunum saman pistlar frá fólki sem ekki gefur kost á athugasemdum við pistla sína, þ e a s umræðu!   Nafngreini hér tvo slíka aðila: Fyrst skal frægan telja,  Björn Bjarnason sem virðist hafa þar fastan sess fyrir einkadagbók sína - og hleypir aldrei öðrum að með athugasemd, hvað þá umræðu -   Nú í morgun var þar blogg frá manni er heitir, má ég segja, Gísli Freyr, sem hefur uppi heilmikla gagnrýni á utanríkisráðherra - einnig ÁN umræðumöguleika! Á svona lagað með réttu heima í "Umræðu-hluta" blog.is?  

 2) - Athugasemdir eru felldar burt - td  sl. gamlársdag er nafngreindir ríkisstarfsmenn sjáust í mbl-frétt, ráfa og ryðjast um í miðbæ Reykjavíkur með munnlegar og verklegar árásir á kyrrstætt fólk.- Var þá sagt að umsjón eyddi bloggi tengdu fréttinni vegna slæms orðfæris BLOGGARA!?  Vel að merkja má víða sjá klám og ruddamálfar standa óáreitt annarsstaðar í blogginu.

 

Athugasemdir

[Óskar Þorkelsson, 5.1.2009 kl. 12:08]

nokkuð góðar athugasemdir hjá þér.. verður gaman að sjá hvort mogginn svari þessu hjá þér.  En þú verður sennilega að senda þeim bréfið beint.

[Hlédís, 5.1.2009 kl. 12:12]

Takk Óskar! Sendi þeim bréfið áðan!  Sé nú að Gísli Freyr hefur skrifað pistilinn sinn í gær, sunnudag! - sá hann í "UMMRÆÐUNNI"  í morgun - svo hvarf hann um stund - en er nú kominn aftur ! Jahjerna!

[H G, 5.1.2009 kl. 12:53]

Einhver Friðriksson var rétt áðan í "Umræðunni" með pistil frá í gær um PARANOJU! Of varkár/nojaður til að leyfa umræðu

[Joe (IP-tala skráð) 5.1.2009 kl. 12:53]

Hehe,,,velkominn til leiks, þú átt eftir að sjá svo margt "óvænt" hérna á hinu ritstýrða MOGGA bloggi.

[Halla Rut , 5.1.2009 kl. 15:21]

Sömuleiðis er athugavert að sjá dálkinn "vinsæl blogg". Það er ansi margir aðeins með lágmarks lesningu en eru kannski þekktir í samfélaginu. Þeir ættu þá heldur að nefna dálk sem héti "VIP færslur".

Svo eru það auðvitað aðeins útvaldir sem komast á forsíðuna. Engar reglur heldur handvalið.

[Hlédís, 5.1.2009 kl. 15:56]

Halla Rut!  Mér sýnist þarna vera í gangi ákveðin uppskrift:     Eins margir HEIÐBLÁIR gæðingar og mögulegt er + nokkur kurteis VIP í öðrum litum - svo bætt við uppskriftina fáeinum mikið lesnum,  fremur þægilegum einstaklingum, svona eins og kardimommudropum í deigið - svo ekki sé hægt að segja.... .. eða þannig

[Sigurbjörn Sveinsson, 5.1.2009 kl. 16:04]

Ég held að þetta sé e-s konar tölvuval eftir aðsókn að viðkomandi bloggi. Gæti verið sama span-kerfi og launafyrirkomulag bankastjóra gömlu bankanna fór eftir.